1 Ya intuluy Solomon an nangulgud hi nipa"el an inalinay,
2 ta way atom an matugun,
3 Emayaam nan babain hi Umilugtap di ngadana
4 Mu gulat ta ihi'almu hiya ya hay pumbalinanah umangunuh ya un hay punholholtapam
5 At henen inatnay mangipiyuy ay hiyah nan wadan di nun'atoy,
6 Nan umat hinan babai ya mi'id nomnomonah nan ay owon an umuy hi pi'taguan di tagu
7 At hiyaat un hay alyo' ay he"an imbaluy'u
8 Bataanam hi Umilugtap an ta"on hi un nan nunhituwana,
9 Ti undan pohdom an idat hi pamhodmuh nan umat hina an kalahin di tagu?
10 Undan pohdom hi un way tagun agguymu inilay paddungnay manamham hinan inadangyanmu?
11 Hay adi' ahan pohdon hi ma'at ay he"ah agadyuhan di atayam
12 Ya alyom di,
13 Immannung an agguy'u inunud nan tugun din nun'anomnoman an nuntudtudun ha"in,
14 At ten ad ugwan ya mid hulbi' an tagu,
15 Agguyyu dengngol nan nahamad an hapit an alyonay,
16 Ti undan abulutonyu an miwa'at nan danum di obobyuh nan kalata
17 Adi, ti dane ya bagiyu ya anggay,
18 Maphod at ni' hi unmu wagahan din inahawam hidin a'ungam,
19 Ti hiya ya mapmaphod an umat hinan mahunghung an habhabung,
20 At he"an imbaluy'u ya adim ahan amnawan di udumnan babai,
21 Ti nomnomom an hi Apo Dios ya titiggonan amin di ato'aton nan tagu,
22 Nan nappuhin ato'aton nan taguy paddungnay bituh mangna ay dida,
23 Ya matoyda ti adida patugun,