1 Hiyatuy hinapit han Alin hi Lemuel hi intugun inana ay hiya an inalinay,
2 “Waday numbino'ob'on an alyo' ay he"an imbaluy'un lala'i
3 Bo'on hay binabaiy pangpuham hi pihhum ya bi'ahmu
4 Hay oha goh, Lemuel, ya maphod hi un adi mun'am'aminul nan ap'apu
5 Ti gulat ta uminumda ta mabutongda
6 Hay mabalin hi uminum hinan limminun bayah ya nan tagun ay matomatoy
7 Ta inumonda ay at olom ya aliwanday anawotwotda ya nan nidugah an munha'it.
8 Mahapul an badangam nan tatagun adi pa'abbaliw hi odolda an umat hinan mahmo' ya nawotwot
9 At mahapul an hay immannung di panumalyam ay dida ta mabaliwanda.”
10 Naligat ahan hi anapon nan babain nahamad di pangatnan ahawaon
11 At nan ahawan nen babai ya ongol di pangedenolanan hiya
12 ya maphod di aton nen babain hiya,
13 Ya hiya ya mahlun umabo'abol hinan lo'ob,
14 ya mahlu goh an umuy manganap hi onondan hina"aman ta"on un adagwiy pangngalana.
15 Hiya ya ag'agan bumangon hinan helhelong ta idadaanay onon nan pamilyana,
16 Ya hamadonah mahhun nan lutah un maphod ya unna pola'on,
17 Ya hiya ya mabi'ah,
18 Ya inilana an maphod di aat di pungkumilduana,
19 ti hiya ya gun munlubid ya mun'abol hinan lubungda.
20 Hiya ya adi na'ikot an pun'idatana nan tatagun nun'awotwot an ama'ma"idan,
21 ya adi numanomnom an ta"on hi un madatngan di lawang an tungnin
22 Ya iyammanay na'al'altian an abo'da,
23 An amin nan tataguh nan pi'babluyanda ya e'gonandah ahawana
24 Ya henen babai ya mun'ammah lubung ya balikis ta ila'unah nan mungkumildu.
25 Hiya ya mi'id al'alih aatna,
26 Ya dumalat di ananomnomana ya ma'ulay di panapitna,
27 Hiya ya ihamadnan mangipapto' hinan ma'ma'at hi abungda,
28 Nan imbabaluyna ya wagahanda hiya,
29 ti alyonay, “Do'olday binabain mun'aphod di pangatdan ahawada,
30 Umu'uddum ya un bumalbali nan maphod an tigaw di baba'i ya nan amaphodna ti adi munnanannong,
31 At midatan hiyah pulimyuna ti hiyah ne bino'lana.