1 Ha"in an nunhitud Jerusalem an Manudtudun lala'in holag David ya hiyatuy hinapit'u:
2 “An amin di ma'ma'at hitun luta ya hiyay gun ma'ama'at!
3 At hay lagbun nin di tagun tumamutamu?
4 Umat hinay tatagu an gunda mitungaw,
5 Nan algaw ya gun bumuhu' ya gun ma'unug,
6 Umat goh hinan dibdib an wa ayan ipluynah appit hi iggid hi un hagangon di buhu'an di algaw
7 Ya hana ay goh an danum hinan ginnaw unu wangwang ya umuydah nan baybay,
8 Umat goh hinan amin nan ma'ma'at
9 ti an amin din na'at hidin hopapna ya hiyay gun ma'at goh ad ugwan,
10 Ini ya way mangalih, Wah di han nob'on!
11 Manu ay umat hina ya aliwan di tatagu nan na'at hidin penghana,
12 Ha"in an Manudtudu din alin nan holag Israel hi ad Jerusalem.
13 Ya impadah'uy abalina' an mangadal ya manginnilah an amin hinan na'na'at hitun luta, ya na'innilaa' an hi Apo Dios ya nidugah di indatnah holholtapon nan tatagu!
14 Ya tinnig'un amin nan ina'inat di taguh tun luta, ya immannung an mi'id pohpohodna an un ay nan tuyup di pudpuduggon tu'u.
15 Ya umat hinan napiku an mi'id di abalinan an manguyad,
16 At hay ninomnom'u ya alyo' di, “Ten ha"in di nidugah hi nala'la'eng. Ti nidugah di inila' ya pinadah'u ya un nan udum an nun'ap'apuh tud Jerusalem.
17 Ti inhamad'un inada'adal di nun'abhiwan di aat nan anala'eng ya nan amanangpah. Ya na'innilaa' an mi'id nun'abhiwanda an un ay nan tuyup di pudpuduggon.
18 Ti ta"on un nidugah di anala'eng mu dumo'do"ol goh di numanomnoman,