1 Adi maphod hi un dumalalluh nan tiyalgaw unu umudan hinan gutud di ahi boto',
2 Mid hulbinah un way mangidut hinan tagun mi'id di baholna ti adaogna an adi mepto' an mipa'annung ay hiya
3 Nan latigo ya panuplit hinan kabayu ya nan gumo' di mipiyamel hinan dongki ta way atondan mangunud hi pohdon,
4 Wa ay ta ipadahmuy abalinam an mambal hinan malgom an hapiton nan tagun nakudang di nomnomna
5 Ya gulat ta mi'id hulbin di ibagana ya enyengngohmuh nan inatna at hay pambalmu ya mi'id goh di hulbina,
6 Gulat ta nan tagun nakudang di nomnomnay pumpaadan ya mi'id hulbina
7 Mid goh di hulbin di tugun nan tagun nakudang di nomnomna
8 Mid hulbina goh hi un way mange'gon hinan tagun nakudang di nomnomna
9 Umipata'ot hi un way nakudang di nomnomnan mangipadah an manugun hinan tatagu
10 Umipapuhiy ma'at hi un way tagun mumpatamuh nan malgom an maluh,
11 Nan nakudang di nomnomna ya gunna ipidwapidwan mangat hi nappuhi
12 Nan tagun mangalih un hiya ya nala'eng an ta"on un manangpah
13 Nan tagun napayad ya do'ol di pangalina ti alyonay,
14 At nan humigan muntamu ya ammunah un gun bumanalliballin hinan nolo'ana
15 Waday udum hi tatagun nunheglay anapayadda
16 Mu ta"on un umat hinay aat nan napayad ya hay punnomnomana ya hiya ya nala'la'eng
17 Nan tagun mid biyangna mu alyona damdamah nomnomna an mi'bibiyang hinan way munhohongngel
20 Nan apuy ya madop hi un adi matunguwan,
21 ti nan uleng di mangipabala ya nan tunguy mangipabi'ah hinan apuy.
22 Nan nappuhin pamahiwda ya umat hinan mumpolhat an ma'an an nalakah ma'u'mun
23 Nan tagun un pohod di hapitona mu agguy immannung nan wah nomnomna
24 Nan udumnan tagu ya nidugah di pahiwda,
25 Ya ta"on un ma"aphod di panapitda ya adim kulugon
26 Ya ta"on hi unda adi ipattig nan pumbaholada mu ma'innila damdama
27 Nan tagun munnomnom hinan atonan nappuhih nan ibbana ya hiyay a'atana,
28 Nan munlangkak ya immannung an boholonay ibbanan tagun pa"iona,