1 Hiya hatu goh di udumnan intugun Solomon an intudo' din numbino'ob'on an tagalan nan Alin hi Hezekiah an nunhituh nan babluydad Judah.
2 E'gonan tu'uh Apo Dios ti nan ipo"oyna ya mid nanginnilah aatna,
3 At maphod hi un hay anala'eng nan ali ya nidugah an umat hinan inata'nang ad daya
4 Ma'innila an gahin un mahibug nan silver ta ma'aan di lugitna ya un maphod di tigawna
5 Ya umat goh hinan ali an wa ay ta iyadagwiyu nan tatagun nibahhaw di nanugundan hiya
6 Ya wa ay ta umuy'ah nan wadan di ali ya adim ipattig an he"a ya nabagtun tagu.
7 ti onaynah un hiyay mangalih, “Umali'a mi'yibun'ah nan umbunan di nun'abagtu!”
8 Wada ay di tinnigmuh inat di ohan tagu ya hamadom ta adi galagala ya eka nundalom
9 Ya gulat ta mi'hongngel'ah nan heneggonmu ya adim ahan ipa'innila nan
10 Ti gulat ta donglona an imbaagmu nan nili"ud an nunhapitanyu at bainon da'a,
11 Nan mepto' an hapiton hinan gutud di punhahapitan
12 Ya nan panugun di nanomnoman hinan ibbanan tagun mangabulut hinan intuguna
13 Nan mabaal an makulug di atona ya umipa'amlong hinan nannag ay hiya
14 Nan tagun mangalih un waday idatnah ibadangna mu adina ipa'annung
15 Nan tagun ma'ulay di panapitna ya mabalin an ma'al'alu' nan a'ap'apuh un hiya ya mehodan an mi'hapit ay hiya
16 Gulat ta ah'upanyu nan danum di alig at ane'nongonyuy inumonyu
17 Ya umat goh hinay atom an manghanom di umuymu pi'yib'ibunan hinan heneggonmu
18 Nan tagun un munlumuh apuhian di heneggona ya layah di pangihtigunah aatna
19 Gulat ta e'kodmuh nan tagun adi medenol ta badangan da'ah un way ligatmu
20 Gulat ta waday tagun nidugah di punlungdayaana, ya immuy'a ta ikantaam hiya
21 Gulat ta munhinaang nan tagun mi'bohhol ay he"a ya idatmuy onona,
22 Ti atom ay di umat hina at mabainan hinan nappuhin inatnan he"a,
23 Wa ay ta pumuo' ya immannung an umiyalih udan,
24 On'onaynah unta umuy miyohhan munhituh nan abadyaw
25 Nan maphod an ulgud an malpuh nan adagwin babluy ya anonay higa
26 Unudon ay nan tagun nahamad di pangatnay panugun nan tagun nappuhiy ato'atona
27 Adi maphod hi odol hi un do'lon di onon hi alig,
28 Nalaklakan ma'abak nan tagun adi pa"edpol hi bungotna