1 Hay tagu ya mabalin an hiyay okod an munnomnom hi ato'atona,
2 Hay punnomnom di tatagu ya nahamad an amin di ato'atonda,
3 At hay mahapul hi atonda ya e'koddan amin ay Apo Dios nan nomnomondah atonda,
4 Hi Apo Dios ya ninomnomnay ma'at an amin hinan limmuna,
5 Boholon Apo Dios nan tagun mangipabagtuh odolda,
6 Wada ay di pamhodmu ya iyulaymuh nan i'ibbam, at mabalin an aliwanday baholmu,
7 Wa ay ta nan pangat di ohan tagu ya umipa'amlong ay Apo Dios
8 Od'odolnah un itang di pihhun nan tagu mu ta nahamad di na'alana
9 Ta"on hi un way abalinan nan tagun munnomnom hi ato'atona
10 Nan mandal di ali ya mibilang hi mandal Apo Dios ti hiyay baal Apo Dios an mumpapto',
11 Hi Apo Dios ya pohdona ahan nan nepto' an pungkilu ya punlukud hinan mingina
12 Umipabohol hinan a'ali nan numbino'ob'on hi pumbaholan
13 Umipa'amlong hinan a'ali nan immannung an hapit,
14 Umipata'ot hi un mabungot nan ali ti abalinanan mangipapatoy hi tagu,
15 Ti nan maphod an ipattig nan ali
16 On'onaynah un nan tagu ya nanomnoman ya nala'eng
17 Nan tagun nahamad di pangatna ya bata'anana nan nappuhih nan ay kulhan dalanona
18 Nan pumbagtuan di tagu ya immannung an lummuh a'ubahana,
19 Onaynah unta nawotwot ya mumpa'ampa ya mi'hituh nan nawotwot
20 Nan tagun mangihamad an mangunud hinan nitudun hiya ya maphod di pumbalinana,
21 Nan nanomnoman an tagu ya hiyay way abalinanan manginnilah nan na'alligat,
22 Nan nanomnoman an tagu ya umat hinan obob an adi matmatdu' ti idatnay amaphodan di nitaguan,
23 Nan nanomnoman an tagu ya pa'annomnomonah mahhun di alyona ya un humapit,
24 Nan ma'ma'ullay an panapit ya ay alig an munlameeh hi pangngolan,
25 Nan udumnan tagu ya hay nomnomonda ya maphod di nitaguanda,
26 Nan ahinaangan di dumalat hi pangibi'ahan nan bumo'lan muntamu,
27 Nan tagun nappuhiy ato'atona ya un hay pi'bohholanay an'anapona,
28 Nan tagun nappuhiy pangatna ya ihudhudolnay nappuhih aat di ibbanan tagu ta way atonan miwa'at,
29 Nan tagun gun mi'papattoy ya balbaliyanay heneggona ta middum ay hiyan mangat hi nappuhi.
30 Nan tagun komod'eng hi ibbana an ta"on hi un adi humapit
31 Waday pulimyun nan nala'ay an tagun nahamad di ataguna
32 Onayna nan tagun ma'ma'ullay ya un nan mabi'ah an mangam'ameh hinan himpapangili,
33 Ta"on hi un ditu'uy ad nomnom hinan aton tu'u