1 On'onaynah un hay dalangdang di onon mu ta wadaat di lenggop ya mid al'ali
2 Nan nanginnilan tagala ya la'tot ya hiyay mumpapto' hinan umipabain an imbaluy di ap'apuna,
3 Nan silver ya balitu' ya hay apuy di mun'anang ta mamahmahda,
4 Nan tagun nappuhiy ato'atona ya pohpohdonan donglon nan agaga"ihaw an hapiton nan i'ibbana,
5 Nan tagun mamihul hinan nawotwot ya hi Apo Dios an nunlumun hiyay pinihulna,
6 Nan nun'ala'ay ya iyamlongday a'apuda,
7 Nan tagun mumpahiya ya mi'id hulbin di panapitna,
8 Nan tagun bayadanay udum an tagu ta way aton nan pohdonan nibahhaw an ma'at
9 Nan tagun mamhod hi un minaynayun di pamhod nan tatagun hiya ya aliwanah un way atondah nappuhin hiya,
10 Mamenghan ya anggay di uyap di pangihingalandah nan tagun nanomnoman ya un matugun,
11 Nan tagun nappuhiy pangatna ya un hay guluy umuyna ana'anapon,
12 Onaynah un nan mabmabbungot an animal hinan dalan an naplohan hi imbaluynay damuwon
13 Gulat ta hay nappuhiy pamalloh nan taguh nan maphod an inat nan ibbanan hiya
14 Ete"an ay han tagun mi'tututut ya umat hinan muntudun naltut an danum an la'tot ya nadoldol, at mapa"i,
15 Umipabohol ay Apo Dios nan huwis an mangibo'tan hi baludan hinan nabaholan an tagu,
16 Ma'adyuwan nan pihhun mibayad hinan adi mangngol hi pun'adalana
17 Nan nahamad an gadyum ya minaynayun di pamhodna an ta"on un malgom di ma'at,
18 Nan tagun adi umday punnomnomana ya nonongan ihapatana
19 Nan tagun hay pumbaholan di pohpohdona ya un hay pi'hohongngilanah nan tataguy pohpohdona,
20 Nan tagun nappuhiy nomnomnomona ya adi pumhod di nitaguana,
21 Munlungdayay ommod di ungan nakudang di nomnomna
22 Nan pun'am'amlongan di tagu ya ay agah an mangipaphod hi odolna,
23 Nan huwis an nappuhiy ato'atona ya abulutonay mili"ud an bayad hi midat ay hiya ta adi mamotta nan numbahol.
24 Nan nanomnoman an tagu ya gunna nomnomon di makulug hi ato'atona,
25 Nan nakudang di nomnomnan imbaluy ya umipaligat,
26 Adi ahan maphod hi un nan mi'id di baholnan taguy mamolta,
27 Nan nanginnilan tagu ya adi nonongan himmapit,
28 Ti ta"on un nan nakudang di nomnomnan tagu ya gulat ta dindinong