Números 2

IFB vs ACF

ACF Almeida Corrigida Fiel

¹ Ya ni'hapit hi Apo Dios ay da Moses ay Aaron an inalinay,

¹ E falou o SENHOR a Moisés e a Arão, dizendo:

² “Ya way ohah nan holag Israel ya iyammaday tuldah ihinandah nan way bantilada ta pangimmatunan ay didan ohan himpangapu. Ya ibataanday pangiyammandah nan tuldada, mu punlene'wohondah nan Abung an Tuldan awada' an Dios.”

² Os filhos de Israel armarão as suas tendas, cada um debaixo da sua bandeira, segundo as insígnias da casa de seus pais; ao redor, defronte da tenda da congregação, armarão as suas tendas.

³ Ya hidih nan appit hi buhu'an di algaw di nihinan nan bantilan di holag Judah, at hidiy puntuldaan nan titindaluna. Ya hay mangipangpanguluh nan tatagun Judah ya hi Nahshon an lala'in imbaluy Amminadab.

³ Os que armarem as suas tendas do lado do oriente, para o nascente, serão os da bandeira do exército de Judá, segundo os seus esquadrões, e Naassom, filho de Aminadabe, será príncipe dos filhos de Judá.

⁴ Ya hay lammung di uyap nan tatagu ya napitu ta opat di libu ya han onom di gahut.

⁴ E o seu exército, os que foram contados deles, era de setenta e quatro mil e seiscentos.

⁵ Ya hay mehnod ay dida an muntulda ya nan himpangapun holag Issachar, ya hay mangipangpangulun dida ya hi Nethanel an hina' Zuar.

⁵ E junto a ele armará as suas tendas a tribo de Issacar; e Natanael, filho de Zuar, será príncipe dos filhos de Issacar.

⁶ Ya hay lammung di uyapda ya nabongle ta opat di libu ya han opat di gahut.

⁶ E o seu exército, os que foram contados deles, era de cinqüenta e quatro mil e quatrocentos.

⁷ Ya hay mehnod ay Issachar an umapal ya nan a'apun Zebulun, ya hay mangipangpangulun dida an a'apun Zebulun ya hi Eliab an hina' Helon.

⁷ Depois a tribo de Zebulom; e Eliabe, filho de Helam, será príncipe dos filhos de Zebulom.

⁸ Ya hay lammung di uyapda ya nabongle ta pituy libu ya han opat di gahut.

⁸ E o seu exército, os que foram contados deles, era de cinqüenta e sete mil e quatrocentos.

⁹ Ya an amin hanan tatagun napto' an immapal an a'apun da Judah ya hay lammung di uyapdan amin ya hinggahut ta han nawalu ta han onom di libu ya han opat di gahut. Ya wa ay ta mumbotanda ya diday mahhun hi mangipangpang'uh nan akakanda.

⁹ Todos os que foram contados do exército de Judá, cento e oitenta e seis mil e quatrocentos, segundo os seus esquadrões, estes marcharão primeiro.

¹⁰ Ya hidih nan appit hi agwan hi un hagangon di buhu'an di algaw di niha"adan nan bantilan Reuben, at hidiy puntuldaan nan titindaluna. Ya hay mangipangpangulun dida ya hi Elizur an lala'in hina' Shedeur.

¹⁰ A bandeira do exército de Rúben, segundo os seus esquadrões, estará para o lado do sul; e Elizur, filho de Sedeur, será príncipe dos filhos de Rúben,

¹¹ Ya hay lammung di uyapda ya napat ta han onom ya han lemay gahut.

¹¹ E o seu exército, os que foram contados deles, era de quarenta e seis mil e quinhentos.

¹² Ya hay mun'apal hi mehnod ay Reuben ya nan a'apun Simeon, ya hay mangipangpangulun dida ya hi Shelumiel an hina' Zurishaddai.

¹² E junto a ele armará as suas tendas a tribo de Simeão; e Selumiel, filho de Zurisadai, será príncipe dos filhos de Simeão.

¹³ Ya hay lammung di uyapda ya nabongle ta hiyam di libu ya han tuluy gahut.

¹³ E o seu exército, os que foram contados deles, era de cinqüenta e nove mil e trezentos.

¹⁴ Ya hay mehnod an muntulda ya nan himpangapu an dana' Gad. Ya hay mangipangpangulun dida ya hi Eliasaph an lala'in hina' Deuel.

¹⁴ Depois a tribo de Gade; e Eliasafe, filho de Reuel, será príncipe dos filhos de Gade.

¹⁵ Ya hay lammung di uyapda ya napat ta han lemay libu ya han onom di gahut ta han nabongle.

¹⁵ E o seu exército, os que foram contados deles, era de quarenta e cinco mil e seiscentos e cinqüenta.

¹⁶ Ya hiyah te uyap an amin nan tindalun nalpuh nan appit di nuntuldaan da Reuben, ya hay lammung di uyap an amin nan tindalu ya hinggahut ta han nabongle ta ohay libu ya han opat di gahut ta nabongle. Ya wa ay ta mumbotanda ya diday mehnod an mi'bulog hinan a'apun Judah.

¹⁶ Todos os que foram contados no exército de Rúben foram cento e cinqüenta e um mil e quatrocentos e cinqüenta, segundo os seus esquadrões; e estes marcharão em segundo lugar.

¹⁷ Ya wa ay ta mekak nan Tuldan Abung hi wadan Apo Dios ya nan holag Levi ya diday migagwah nan duwan himpampun hinan pumbotananda. Ya mipaddung hi aat di napanuhan di nuntuldaanday aat goh di panuh nan pumbotananda an way ohaan mihihinnadah nan wadan di bantilada.

¹⁷ Então partirá a tenda da congregação com o exército dos levitas no meio dos exércitos; como armaram as suas tendas, assim marcharão, cada um no seu lugar, segundo as suas bandeiras.

¹⁸ Ya hidih appit di alimuhan di algaw di niha"adan nan bantilan Ephraim, at hidiy nuntuldaanda. Ya hay mangipangpangulun dida ya hi Elishama an lala'in hina' Ammihud.

¹⁸ A bandeira do exército de Efraim segundo os seus esquadrões, estará para o lado do ocidente; e Elisama, filho de Amiúde, será príncipe dos filhos de Efraim.

¹⁹ Ya hay lammung di uyapda ya napat di libu ta han lemay gahut.

¹⁹ E o seu exército, os que foram contados deles, era de quarenta mil e quinhentos.

²⁰ Ya hay mehnod goh hi muntulda ya nan himpangapu an dana' Manasseh. Ya hay mangipangpangulun dida ya hi Gamaliel an lala'in hina' Pedahzur.

²⁰ E junto a ele estará a tribo de Manassés; e Gamaliel, filho de Pedazur, será príncipe dos filhos de Manassés.

²¹ Ya hay lammung di uyapdan na'uhig ya tulumpulu ta duway libu ta han duway gahut.

²¹ E o seu exército, os que foram contados deles, era de trinta e dois mil e duzentos.

²² Ya hay mehnod goh an muntulda ya dana' Benjamin. Ya hay mangipangpangulun dida ya hi Abidan an lala'in hina' Gideoni.

²² Depois a tribo de Benjamim; e Abidã, filho de Gideoni, será príncipe dos filhos de Benjamim,

²³ Ya hay lammung di uyapdan na'uhig ya tulumpulu ta han lemay libu ta han opat di gahut.

²³ E o seu exército, os que foram contados deles, era de trinta e cinco mil e quatrocentos.

²⁴ Ya hay na'yap hi lammung nan tatagun nuntuldah nan awadan dana' Ephraim ya hinggahut ta han waluy libu ya han hinggahut. Ya diday miyatluh mi'bulog an umuy mumbotan.

²⁴ Todos os que foram contados no exército de Efraim foram cento e oito mil e cem, segundo os seus esquadrões; e estes marcharão em terceiro lugar.

²⁵ Ya hay muntuldah appit hi iggid hi un hagangon di buhu'an di algaw ya dana' Dan hinan wadan di bantilada. Ya hay mangipangpangulun dida ya hi Ahiezer an hina' Ammishaddai.

²⁵ A bandeira do exército de Dã estará para o norte, segundo os seus esquadrões; e Aieser, filho de Amisadai, será príncipe dos filhos de Dã.

²⁶ Ya hay uyapdan amin ya nanom ta han duway libu ya han pituy gahut.

²⁶ E o seu exército, os que foram contados deles, era de sessenta e dois mil e setecentos.

²⁷ Ya hay mehnod an umapal ya dana' Asher. Ya hay mangipangpangulun dida ya hi Pagiel an lala'in hina' Okran.

²⁷ E junto a ele armará as suas tendas a tribo de Aser; e Pagiel, filho de Ocrã, será príncipe dos filhos de Aser.

²⁸ Ya hay lammung di uyapdan amin ya napat ta han ohay libu ya han lemay gahut.

²⁸ E o seu exército, os que foram contados deles, era de quarenta e um mil e quinhentos.

²⁹ Ya hay mehnod an muntulda ya dana' Naphtali. Ya hay mangipangpangulu ya hi Ahira an lala'in hina' Enan.

²⁹ Depois a tribo de Naftali; e Aira, filho de Enã, será príncipe dos filhos de Naftali.

³⁰ Ya hay lammung di uyapda ya nabongle ta tuluy libu ta han opat di gahut.

³⁰ E o seu exército, os que foram contados deles, era de cinqüenta e três mil e quatrocentos.

³¹ Ya hay uyap an amin nan immapal hinan awadan nan a'apun Dan ya hinggahut ta han nabongle ta pituy libu ya han onom di gahut. Ya diday miyangunuh an mi'bulog an ipangulun nan bantilada.

³¹ Todos os que foram contados no exército de Dã foram cento e cinqüenta e sete mil e seiscentos; estes marcharão em último lugar, segundo as suas bandeiras.

³² Hiyanay uyap an amin di holag Israel an nan nalpuh nan ahimpahimpangapu. Hay uyapdan amin ya onom di gahut ta han tuluy libu ya han lemay gahut ta nabongle.

³² Estes são os que foram contados dos filhos de Israel, segundo a casa de seus pais; todos os que foram contados dos exércitos pelos seus esquadrões foram seiscentos e três mil e quinhentos e cinqüenta.

³³ Mu nan holag Levi ya agguyda niddum an ne'e'yap hinan holag Israel ti hiyah ne immandal Apo Dios ay Moses.

³³ Mas os levitas não foram contados entre os filhos de Israel, como o Senhor ordenara a Moisés.

³⁴ At nan holag Israel ya inatdan amin nan immandal Apo Dios ay Moses. At hiyah ne inatda an way ohaan nuntuldah nan wadan di bantilada, ya umat goh hinay inatdan numbotan ti nalalammungda nan himpangapu an mabulog.

³⁴ E os filhos de Israel fizeram conforme a tudo o que o Senhor ordenara a Moisés; assim armaram o arraial segundo as suas bandeiras, e assim marcharam, cada qual segundo as suas gerações, segundo a casa de seus pais.

Números 2

Atalhos do teclado

Ler em outra tradução

Comparar com outra