1 Ya intuluy Job an himmapit an inalinay,
2 ya umat hinan himbut an pohpohdona ahan an milidum,
3 Ya umat goh ay ha"in ti naluh di do'ol hi bulan ya mi'id di hulbin tun nitagua',
4 Ya wa ay ta molo'a' hinan mahdom ya unna' patu'alon hinan nolo'a'
5 Ya tun odol'u ya nalipuh hi gulid,
6 Ya ten munnaud di alpahan di algaw'u
7 Nomnomom ni', O Dios, an heten nitagua' ya un umat hinan mumpenghan an yahhiyah,
8 At nan mamannig ay ha"in hi ad ugwan ya adia' mahkay tigon,
9 Nan bunut an miho'nap ya un na'amtang ya na'ubah,
10 Ya adi ahan mumbangbangngad hi abungna,
11 At hiyanan adi mabalin hi unna' dindinong
12 Anaad ta iya'aduga' ay He"a?
13 Ya alyo' di molo'a' ta mun'eblaya',
14 mu gunna' ipata'ot ay He"a an dumalat nan gunmu ipa'enap ay ha"in.
15 At on'onaynah unna' mumbet'ol ta matoya'
16 Pahiwo' di umat hitun pi'taguan ti ten himmigaa',
17 Anaad udot ta un ami tagu ya anggay,
18 Ti gunmu hamadon an tigon hi abigabigat hinan ahelhehelhelong,
19 Maphod nin hi unna' adi tigon ay He"a an ta"on hi un na'amtang
20 Gulat ta numbahola' ya undan way inat'un He"an mun'ad'adug hi tagu?
21 Undan adi ahan mabalin an aliwam di bahol'u?