1 Ya tembal Apo Dios hi Job an hay adngolan di hapitna ya hinan puo' an inalinay,
2 “Ngadan ne han mummahmah hi aat di la'eng'u?
3 Idadaanmuy odolmu, Job, an umat hi aat di lala'i ti baga' he"a,
4 Hay wadam nin hidin gutud di nunlumuwa' hitun luta?
5 Hay nampong hi aat di inongol tun luta,
6 Hay namdon mah hi nipabunanan tun luta,
7 hidin immanlaan an amin nan mamigat an bittuan
8 Ya hay nanawan mah hinan danum ta waday ipogpogandah din nabhiyan tun luta
9 Henen timpu ya hinophopa' nan baybay hinan ma'ugtul an bunut,
10 Ya inyamma' di ipogpogan nan danum ta unda munnononnong hinan inyamma' an igad.
11 Ya inali' goh enen timpu di,
12 Undan he"ay nummandal ta mawaday helhelong,
13 Ya undan he"ay nangalih nan potang an patalanan amin tun luta ta engganah nan pingitna
14 Ya mattig di aat tun lutah un mapatalan
15 At abakon nan patal nan gun mangat hi nappuhi,
16 Undan immuymu tinnig nan obob an nalpuwan nan danum hi baybay,
17 Ya wada dan di nangitudun he"ah awadan di pantaw di nahelngan an awadan di nun'atoy,
18 ya ininnilam mah goh di inan'ongol ya inabellog tun luta?
19 Hay nalpuwan mah di patal,
20 Abalinam dan an mangitnud ay dida ta iyuymuh nan nihinanda,
21 Mabalin nin an abalinam ti limmu da'ah nahhun ya un mawadan amin tun nalmu,
22 Ya immuy'a dan ta himmigup'ah nan nitalepnan di dalallu,
23 Hana ya nun'italepon'u ta engganah tun gutud di algaw an pumpapattayan nan munggugubat.
24 At hay wadan mah di dalan an miyuy hinan lugal an wadan di bumnangan nan mumbanigit an ilat,
25 Ya hay nunlumuh nan ginnaw an pange'wan nan ongol an udan,
26 Ya hay nangidat mah hi udan hinan lutan mi'id ah nunhitu,
27 ya hay mangipa'udan mah hi manepnah nan mamagan nun'abhin luta
28 Wada dan di ommod di udan ya nan dulnu,
29 ya hay ngadan mah di ommod di dalallu?
30 un umodhol nan danum an umat hi ama'odhol di batu
31 Abalinam dan an punhuhu"upon nan natuntunud an bittuan an Pleiades
32 Ya abalinam dan an mangituduh nan numbino'ob'on an bittuan ta way atondan bumuhu',
33 Inilam dan di uldin hi ma'unud ad abuniyan
34 Ya abalinam dan an tu'u'an an mandalon nan bunut
35 Ya abalinam dan an honogon nan ilat
36 Hay nangidat hi abalinan di tagu ta mawaday pun'awat ya ananomnomanda?
37 Wada dan di nala'eng an mangyap hinan bunut,
38 un mumpanga'odhol nan hupu' ya nun'ap'ol nan luta?
39 Ya abalinam dan an iyanupan nan layon ta bubuhgom
40 hi unda mipo"oy hinan liyang
41 Ya ngadan di mangidadaan an mangidat hi onon nan gayang