1 Hi Zophar an nalpud Naamah ya tembalnan inalinay,
2 “Ten un maguguluy punnomnoma',
3 Nan hinapitmu ya umipapahal ay ha"in,
4 Undan agguymu inilan hidin penghana ya hay taguy nahhun hi nihinah tun luta
5 ya adi madnoy di pangabakan hinan nappuhiy pangatna?
6 Ya ta"on un umatam ad abuniyan di pumpahiyaana
7 mu ma'ubah hiyah enggana damdaman umat hinan analugitna an umuyna ipo"oy.
8 At ma'ubah an umat hinan enap hi mahdom an ma'utaw,
9 At din liligwana ya nan pamilyana ya adida ahan ipidwan tigon hiya,
10 At nan imbabaluyna ya mahapul an diday mangibangngad hinan way innalnah nan nun'awotwot,
11 Hidin a'ungana ya mabi'ah di odolna,
12 Nan nun'appuhi ya paddungnay munlameeh di panaphapitna
13 Ya adina abalinan an ibula an unnaat goh iya'amel ti pohdonay tamtamna.
14 Mu nan inana ya pumait hi putuna
15 Ya nan inadangyanan nalpuh akaw ya ad ugwan ya paddungnay utaona
16 Umat hi habidung di nun'u'muna
17 At nan adi mahkay tumagu ya adina pun'am'amlongan nan do'ol an idat Apo Dios
18 At nan intamuana ya mi'id di gunuhana
19 Ti manu ay ya unna hiniwihiwitan ya linayalayahan nan nun'awotwot,
20 Ya ta"on un hiya ya pimmunghapunghan mu adi damdama mahengla,
21 Ya mi'id ahan ah na'angang ti innaldan amin,
22 Ti hidin immadangyanana ya nawaday ligatna,
23 Ya hidin inanan amin din pohdona ta na"abhug
24 Ya ta"on un melwang nan hanggap ay hiya
25 At munhawang nan panah odolna,
26 Ya din mun'aphod an gina'una ya ubahon nan helong,
27 ta nan wad abuniyan ya wah tun lutay mangipanuh an henen tagu ya numbahol.
28 Ya an amin nan wah abungnan inadangyana
29 At hiyah ne ma'at hinan numbahol