1 Inalin Apo Dios di,
2 Ti undan hay nannag hinan alin nalpuh appit hi buhu'an di algaw ta umuyna gubaton nan do'ol an babluy?
3 Ya himbumagga ya numpudugna dida,
4 Mu dan hay mabalin hi mangat ay dane?
5 Ya tinnig an amin nan tataguh abablubabluy danen na'at,
6 an mumbabaddanganda ta pun'iyalidah nan i'ibbadan alyonday,
7 At nan mumpa'ot ya ipahluna nan muntanag hi balitu' ya nan mummattilyuh nan niyamma
8 Mu inalin Apo Dios di,
9 At initnud'u da'yuh tu an inilpu' da'yuh nan nidagwin babluy hi pingit di luta.
10 At adi ayu tuma'ot ti wagwadaa' ay da'yu an Ha"in di Diosyu.
11 At an amin di mi'buhul an nidugah di boholdan da'yu ya diday ma'abak ta mabainanda,
12 At ta"on hi unyu umuy anaponyu nan buhulyu
13 At hiya nongkay nan adi ayu tuma'ot
14 Ya inalin goh Apo Dios di,
15 Ti mipaddung ayuh nan balbalun pun'elekan
16 Ya paddungna goh di puntaapanyu dida
17 Ya wa ay ta mi'id di danum ta maligatan ayu an paddungnay un ayu matoy hi inuwawyu
18 At pabuhu'o' di danum hinan tulid di duntug ta umayuh an e'wadah nan giginginnaw
19 Ya tummolda goh hinan mapulun di numbino'ob'on an ayiw
20 At tigon di tatagu daten ma'ma'at,
21 Ya inalin goh Apo Dios an Ali tu'un holag Israel di,
22 At umali ayu ta ibaagyuy ma'ma'at hi udum hi algaw
23 At ipa'innilayuy ngadan di hohoddon tu'un ma'at hinan tatagu
24 Mu na'innila tuwalin mi'id ahan di hulbiyu
25 Mu waday pinili' an malpud Media hi appit hi iggid hi un hagangon di buhu'an di algaw
26 Un mah wadaday udum hi nangipa'innilan da'yu eteh din hopapna ya un ma'at?
27 Ha"in an Dios ya anggay di nangalih nan iZion eten maphod an ma'at hi udum hi algaw an inali' di,
28 Mu hidin nummahmaha'
29 Hiyanan tigonyun na'innilan hana tuwalin bulul ya mi'id di hulbida