1 Den Da One In Charge ansa back Job from inside one real strong wind storm. He tell:
2 “Eh Job! Who you dat jam up wat I tell az good fo do?
3 Come strong, jalike you ready fo work hard! Cuz I goin aks you questions.
4 “Wea you wen stay wen I put da foundation fo da world?
5 Who mark how big da world goin be?
6 Wat get undaneat da bases fo da world?
7 Az was da time all da morning stars wen sing togedda,
8 “Who put doors fo stop da ocean,
9 Dass wen I put da clouds fo come jalike da bebe clotheses fo da ocean,
10 Az was da time I put da shore breaks fo show how far da ocean goin come,
11 I tell da ocean,
12 “From da time you born till now,
13 You can make da morning time grab da edges a da earth jalike one blanket, o wat?
14 Da morning change how da world look,
15 Da bad kine guys no can get light.
16 “You wen go by da watta springs unda da ocean,
17 Somebody wen show you da gates fo da Mahke Peopo Place, o wat?
18 You wen tink bout how big an wide da earth stay, o wat?
19 “Wea da road fo go wea da light come from?
20 You can bring dem to dea places?
21 Fo shua you gotta know dat cuz you wen born befo dem!
22 “You wen go inside da places wea I stash da snow?
23 I hold um back dea fo wen da trouble come.
24 Wea da road fo go da place wea I sen out da lightning?
25 “Who cut da ditch wea da big rain come from?
26 Who make da rain fo da land wea nobody live?
27 Who give plenny watta to da land wea nobody live,
28 You tink da rain get one faddah, o wat?
29 Who da muddah fo da ice?
30 Dass wen da watta come hard jalike one stone,
31 “You tink you can tie up da Seven Sistah stars togedda, o wat?
32 Wen dea time come,
33 You know da rules fo how da sky work, o wat?
34 “You tink you can yell to da clouds
35 You tink you can sen da lightnings wea you like um fo go,
36 Who make somebody come fo dem know inside wat fo do erytime?
37 Who smart enuff fo count da clouds?
38 Cuz need rain wen da dry dirt come hard,
39 “You tink you can hunt da food fo da wahine lion?
40 You tink you can do dat wen dey wait inside dea cave?
41 Who give food to da scavenja bird