1 “You know da time wen da mountain goats born dea bebes?
2 You tink you can count da months till dey born um?
3 Dey bend dea legs fo born dea bebes close to da groun.
4 Dea bebes grow real healthy an come strong—dey no need one deer pen!
5 “Who da one let da wild donkeys go?
6 Az me wen put dem inside da dry boonies fo dea place.
7 Da wild donkeys laugh cuz da peopo inside da towns make big noise.
8 Dey go all ova da hills fo find dea food.
9 “You tink da wild cows like go work fo you?
10 You tink you can put ropes fo make dem plow one strait row?
11 You goin trus dem cuz dey real strong?
12 You shua dey goin bring in yoa wheat an barley,
13 “Da big ostrich bird get wings dat look real nice but no use um fo fly.
14 Da ostrich put da eggs on top da groun an go away,
15 No bodda her if somebody walk ova an smash um.
16 She make mean to her bebes, jalike dey not her ones.
17 Cuz me God, I no make um fo her know wat fo do erytime.
18 But wen da ostrich stan up fo run,
19 “Eh Job! You da one make all da horses come strong, o wat?!
20 You da one make da horses fo dem jump fas jalike one grasshoppa?
21 Dey scratch da flat groun wit dea hoof,
22 Jalike da horses laugh an no sked notting.
23 Da arrow bag make noise by dea side,
24 Da horses all excited an stamp da groun, an dey go fo broke fo run.
25 Wen dey blow da sheep horn trumpet, da horse make noise fo ‘Geev um!’
26 “Wen da hawk bird start fo fly
27 You make da eagle fly wen you tell um,
28 He live on top one cliff an stay dea nite time.
29 From dea he look fo food.
30 Any place get mahke bodies, dass wea get eagle too.