1 Ginoo, indi ako pagsabdunga ukon pagsiluti sa imo kaakig.
2 Kay daw sa ginpilas mo ako sang pana kag ginsumbag.
3 Indi maayo ang pamatyag sang akon lawas tungod sang imo kaakig sa akon mga sala.
4 Daw malumos na ako sa akon mga sala,
5 Tungod sang akon kabuangan, ang akon mga pilas naghubag kag nagbaho.
6 Nagabarikutot ako sa puwerte nga kasakit,
7 Indi maayo ang pamatyag sang akon lawas kay nagangutngot ang akon hawak.
8 Puwerte na gid sa akon kaluya.
9 Ginoo, nahibaluan mo ang tanan ko nga ginahandom
10 Nagakubakuba ang akon dughan; wala na ako sang kusog,
11 Ang akon mga abyan kag mga kaupod nagalikaw sa akon tungod sang akon balatian.
12 Ang mga tawo nga gusto magpatay sa akon nagabutang sang siod para dakpon ako.
13 Nagapabungol-bungol lang ako, nga kuno indi makabati.
14 Ginapabungol-bungulan ko lang ang ila malain nga ginaplano kag wala ako nagasabat,
15 kay nagasalig ako sa imo, Ginoo.
16 Gani nagapangamuyo ako nga indi mo pagtugutan ang akon mga kaaway nga magkalipay
17 Daw malaglag na gani ako,
18 Gani ginatuad ko ang akon mga sala nga nagapatublag sa akon.
19 Kon parte sa akon mga kaaway, mabakod kag madamo sila.
20 Ginabalusan nila ako sing malain sa maayo nga ginahimo ko sa ila.
21 Ginoo nga akon Dios, indi ako pagpabay-i;
22 Buligi ako gilayon, Ginoo nga akon manluluwas.