1 Dayon nagsabat si Job,
2 “Pamatii ninyo ako sing maayo para mapalipay man ninyo ako.
3 Pamati kamo samtang nagahambal ako,
4 Ang akon reklamo indi kontra sa tawo kundi sa Dios.
5 Tan-awa bala ninyo ako kag makapanabon gid kamo sang inyo kamot sa inyo baba sa katingala,
6 Kon hunahunaon ko ang mga nagakatabo sa akon, nagakurog ako sa kahadlok.
7 “Ngaa padayon nga nagakabuhi ang mga malain?
8 Kag makita pa nila ang pagdako sang ila mga anak kag mga apo.
9 Nagaestar pa sila sa ila mga balay nga wala sing katalagman kag wala sing may ginakahadlukan.
10 Wala nagakapalyar sa pagpamata ang ila mga baka,
11 Ang ila mga bata madamo pareho sa mga karnero. Nagasinaot sila,
12 nagakinanta, kag nagakinalipay sa tukar sang tamborin, arpa kag plawta.
13 Nagakabuhi sila nga mainuswagon kag nagakalamatay nga malinong.
14 Pero nagasiling sila sa Dios, ‘Pabay-i lang kami!
15 Sin-o gid bala ikaw nga ginatawag Makagagahom?
16 Pero ang matuod, ang ila pag-uswag wala naghalin sa ila kaugalingon nga pagpangabudlay.
17 “Diutay lang ang nagakapatay nga malain nga mga tawo.
18 Talagsa lang sila ginatabog nga daw sa dagami ukon upa nga ginapalid sang mabaskog nga hangin.
19 Nagasiling kamo nga kon indi sila pagsilutan sang Dios, ang ila mga kabataan amo ang iya silutan.
20 kag makita nila mismo ang ila kalaglagan.
21 Kay kon patay na sila wala na sila kalibutan sa nagakalatabo sa ila panimalay.
22 “Makatudlo bala ang tawo sa Dios, sanglit siya ang pinakamataas nga hukom?
23 May mga tawo nga nagakapatay nga bugana kag matawhay ang ila kahimtangan,
24 kag maayo ang ila lawas.
25 May mga tawo man nga nagakapatay nga mapait ang ila kahimtangan,
26 Pero pareho lang sila nga ilubong sa duta kag pagakaunon sang mga ulod.
27 “Nahibaluan ko gid kon ano ang inyo ginahunahuna.
28 Sugiran ninyo ako sang mga tawo nga manggaranon nga nagkalaguba ang ila mga balay tungod sa ila kalautan.
29 Pero pamangkuta ang mga nagaalagi,
30 nga bisan ang malain nga mga tawo nagakaluwas sa adlaw nga mag-abot ang kalamidad
31 Wala gid sing may nagasabdong sing hayag sa malain nga tawo.
32 Kon ilubong na siya, may nagaguwardya pa sang iya lulubngan.
33 Madamo ang nagakumpanyar sa iya,
34 “Gani paano ninyo ako mapalipay sa inyo mga ginahambal nga wala sing pulos?