1 स्योरलिबै ताँ लबै बुद्धि आरबै म्हि भन्दा
2 च्हैंब् मैंब् आलल्ले ह्रब् प्हैंब छ्याँब आत,
3 बुद्धि आरेबै म्हिइ ह्रोंसए न्होह्रों तबै के लम्,
4 मुइ मुँबै म्हिइ थुमैं ल्हें खुमुँ,
5 स्योलिबै ग्वाइ पिंबै म्हिइ दण्ड योंब्मुँ,
6 क्रथे मिथेमैंइ ल्होमिरिगे बिसि ल्हें म्हिमैंइ बिन्ति लम्,
7 ङ्हाँदु म्हिलाइ ह्रोंसए ह्रजे-म्हजेमैंइ हेल् लम्,
8 बुद्धि म्हैबै म्हिइ ह्रोंसलाइ म्हाँया लम्,
9 स्योलिबै ग्वाइ पिंबै म्हिइ दण्ड योंब्मुँ,
10 बुद्धि आरेबै म्हि सुख योंब आङ्हे,
11 च्हैंब् मैंब् लल् खाँबै म्हिइ ह्रिस थाम्दिल् खाँम्,
12 म्रुँ ह्रिस खब सिंह ङ्हेब् धों तब् ग,
13 आमादु च्हइ आबाए न्होह्रों लम्,
14 धिं नेरो सै न्होरमैं आबाउँइँले खम्,
15 प्ल्हेगु तसेरो न्हरु ल्हें खम्,
16 परमेश्वरजी बिबै ताँमैं ङिंबै म्हिइ ह्रोंसए छ्ह जोगेम्;
17 आयो-आख्युब्मैंलाइ पिंब याहवेहलाइ खि पिंब् ग,
18 क्हिए आशा ह्रोंसए प्हसेमैंए फिर तमा चमैंलाइ तार झोंन्,
19 ल्हें ह्रिस खबै म्हिइ सजैं योंब्मुँ,
20 सल्ला पिंबै ताँमैं थेदु धै अर्थिमैं सैंर थेंन्,
21 म्हिए खोंर ल्हें चाँजोमैं तम्,
22 म्हिइ खोंयोंइ बिले लबै म्हाँया लरिगे ङ्हाँम्,
23 याहवेहलाइ म्हाँदिमा छ्ह योंबै घ्याँर फेम्,
24 प्ल्हेगुइ थलिर्न यो थेंरिमुँ,
25 आगुलाइ प्ह्रबै म्हिलाइ कोर्राइ प्रुद्, छलस्याँ ताँ आक्होबै म्हिइ बुद्धिए ताँ लोब्मुँ;
26 ह्रोंसए आबालाइ लुडेब नेरो आमालाइ ल्हावाबै च्ह
27 ओ ङए च्ह, अर्थिए ताँमैं थेब् पिवाइ बिस्याँ
28 स्योलिबै ग्वाइ पिंमा निसाफ न्होंवाम्;
29 खैच्हिजिले पोंब्मैंए ल्हागिर दण्ड,