1 Korende bono abanto bare abake ase ’nde, nigo bagonsekerera,
2 Abanto abwo chinguru chiabo chiaerire ase obogotu,
3 Ase engencho y’okoremerwa na enchara babeire ebigonkobe,
4 Nigo bakona‐gosangereria ebimeri bie chinsana,
5 Abwo nigo bagoserigwa korwa ase egati y’abanto,
6 Ase igo bagenda komenya ase amakuruma are ase amagoko,
7 Ime ase ebitutu nigo bakwogererana,
8 Barabwo nabana b’abaanto abariri na ab’abakayayu;
9 Na bono inche nabeire engero egoterwa ase bare,
10 Barabwo nigo bangechete, bantamire;
11 Nyasae ong’urire chinguru, naende onkorire koba omoitongo,
12 Ekeombe ki’abanto abasaria nigo bagontubokera korwa ensemo yane ya borio,
13 Basaririe enchera yane ngoetera;
14 Nigo bagoeta aase omogwa omogare banchichera ne chinguru,
15 Obwoba obonene bwanchicheire;
16 Na bono omoyo one oberire ime yane;
17 Amauga omobere one nigo akonyatia botuko bokia,
18 Oborwaire bwane bwabeire ne chinguru bwaonchoire risankwa ri’omobere one,
19 Nyasae ontugutire ase etintira ime,
20 Nigo nkorera asore, korende aye tori kong’iraneria;
21 Aye kwabeire omotindi ase ’nde;
22 Aye nigo onyimokereretie igoro kwambekire ase omwaga
23 Ee, namanyire ng’a nong’ire aase abakuure,
24 Inee! Omonto karagwe takorambora okoboko kwaye,
25 Inee! Tinarerete ase engencho y’abwo barenge ase emechando?
26 Korende ekero nasemeretie konyora amaya, amabe agacha,
27 Enkoro yane nigo ere nemechando mono, teri n’obotoereru,
28 Nigo nkona‐koong’anya inde nemechando ntarochi omobaso;
29 Inche nabeire oyomwabo chisese chi’orosana,
30 Risankwa riane riaonchokire riamwamire ti,
31 Obokano bwane bw’ebirigisa nigo bokominwa bwaba obw’ebirero,