1 Erio Ayubu agachaaka gokwana naende.
2 Onye ndiria obogima bwane bware koba buna bwarenge ase amatuko a kare,
3 Engaki eria etaya yaye yarenge komorekera omotwe one,
4 Ase amatuko aria nakinete inde ne chinguru,
5 Engaki eria Omonguru nigo arenge amo nainche,
6 nigo narenge gwesibia amagoro aane namabeere,
7 Ekero narenge kogenda ase egeita ki’omochie,
8 abasae abaare kondora nigo barenge kogobera,
9 Abagaambi b’abaanto nigo baare gokira tibagokwana,
10 Amariogi ’abagaambi nigo arenge gokea,
11 Ekero abanto barenge konyigwa, nigo barenge kondoka oyosesenirie,
12 ekiagera nigo nabeete ngotooria abataka abwo barenge korera,
13 Ogosesenigwa kw’omonto konya obeire ang’e gosira nigo gwanchicherete,
14 Nigo neboyetie oboronge, naborobwo bogantuba;
15 Ninche narenge eriso ase emeuko,
16 Ninche narenge ise bw’abataka:
17 Nigo nabunete chinsea chi’abatari abanyaboronge,
18 Erio nkaba nkorengereria ng’a amatuko aane nigo arabe amange buna omokenye,
19 Nigo narenge buna omote emeri yaye ekoranda yaika ase chindooche;
20 obonene bwane nigo bwarenge kona‐koba oboyia ase ’nde,
21 Ekero narenge korua ogosemia,
22 Ekero nakoorire gokwana, monto onde tarenge komenta ing’ana rinde,
23 Nigo barenge koba baganyete buna embura ekoganywa;
24 Ekero konya berusirie moyo nigo narenge kobasekera;
25 Inche nigo nachorete enchera bagwenerete kobwatia,