1 “Ekeene, ribwago ase chifeta chigokunywa korwa ndire,
2 Ebioma nigo bigokunywa korwa riroba inse,
3 Abanto nigo bagotongia chitaaya ime aaria, basiria omosunte;
4 Abanto nigo bagokunya chingoro chintambe gochia inse.
5 Ase riroba igoro nao endagera ekwama
6 Aroro agwo nao are amagena e rigori rinene akorokwa safiro,
7 Enchera ekogenda aase agwo enyoni ende yonsi egotwara orotwari teyemanyeti,
8 Eng’iti y’orosana eng’enenu tiyana koyetacha,
9 “Mwanyabaanto nigo agokunya egetare ekiomo pa,
10 Nigo akorema emetaro ime ase ebitare,
11 Nigo akogita chindooche, otanga amaache tagoeta,
12 Korende ng’ai obong’aini boranyorekane?
13 “Mwanyabaanto tamanyeti rigori ri’obong’aini;
14 Chindiba nigo chigokana chiateeba: Tibori ase ’nde aa,
15 Tibokogorwa chitaabu,
16 Tibokoreng’anigwa ne chitaabu chikorwa Ofiri,
17 Chitaabu na ebirore ebiya tibikoreng’anigwa naborobwo,
18 Amakorongote na ebirore bichenire tibigwatorwa.
19 Topasio, rigena rie rigori rinene rikorwa Ethiopia, tirikoboreng’anigwa,
20 “Bono rende, obong’aini ng’ai bokorwa?
21 Nigo bobisire korwa ase amaiso ’ebitongwa bionsi bire moyo;
22 Aase ay’obosareku na amakweri nigo bigoteeba:
23 “Nyasae bweka namanyete enchera y’obong’aini,
24 Ere nigo arigereretie goika chinsinyo chionsi chi’ense,
25 Ekero Nyasae arengete chinguru chi’omwaga,
26 ekero abegete ogochika ase embura,
27 nario aroche obong’aini naende akaboraria;
28 “Erio Nyasae agateebia Mwanyabaanto: