1 Nhanderuete anhetẽ Israel kuery oayvua rupi ete oiko,
2 Ha'e rã xee ma aikoa rupi ajavy rai,
3 Mba'eta xee ma amoaruã va'ekue ojee rive ojerovia va'e kuery,
4 Ha'e kuery re noĩ ipy'a eta reia merami.
5 Ha'e kuery ma avakue imarã va'e rami e'ỹ na'ikane'õi,
6 Ojee omoĩ 'rã ojejou porã reia mbo'y rami,
7 Ikyra ete gui hexa ẽmba rei 'rã,
8 Nhombojaru rei ha'e ijayvu vai rei 'rã okuapy joe,
9 Yva pygua gui onhemboyvateve aguã re tema ijayvu 'rã okuapy,
10 Ha'e nunga rupi heta va'e kuery oje'oi 'rã hupive,
11 Aipoe'i 'rã: “Mba'exa nda'u Nhanderuete oikuaa 'rã?
12 Ha'e rami ae ikuai heko vai va'e.
13 Ha'e nunga rupi xepy'a ky'a e'ỹa rupi aikoa mba'everã ndovarei,
14 Mba'e re tu aiko axy riae
15 Ha'e rami xeayvu va'e rire
16 Ha'e rami avi ha'e nunga re aikuaa pota vy
17 Nhanderuete pegua henda iky'a e'ỹ va'e py aike peve.
18 Anhetẽ ndee remoĩ 'rã ha'e kuery yxyĩ reia py,
19 Opa xapy'a 'rã,
20 Oexa ra'ua gui oma'ẽ xapy'a va'e rami 'rã
21 Ha'e gui xepy'a raxy jave,
22 xevai rei aikovy va'ekue aikuaa e'ỹ vy.
23 Ha'e rami avi ndereve riae xee aiko,
24 Ndee xerereko 'rã xemongetaa rupi.
25 Mava'e 'rã tu areko yva re ndee e'ỹ vy?
26 Xero'o, xekuraxõ ikangypa teĩ
27 Ndegui ojepe'a va'e ma okanhymba 'rã,
28 Ha'e rã xevy ma ha'eve vaipa Nhanderuete reve aikoa.