1 Oreruete, huvixave re emoĩ ke ne'arandua,
2 Ha'evea rami meme toikuaa pota ndevygua kuery re,
3 Yvyty ikuai va'e gui ou 'rã heta va'e kuery moingo porãarã,
4 Ha'e gui huvixa toikuaa pota heta va'e kuery iporiaukue'i re,
5 Ha'e ma oiko riae 'rã kuaray hexakã teria ja,
6 Huvixa toiko nhuũndy rupi oky ho'a va'e rami,
7 Ha'e oĩa ára heko porã va'e ta'ikuai porã,
8 Ta'ipo'aka ye'ẽ ha'e javi peve,
9 Henonde toĩ tekoa e'ỹa regua kuery ha'e javi guenapy'ã re.
10 Ixupe Társis tetã ha'e yy pa'ũ pygua huvixa kuery tome'ẽ imposto repy,
11 Henonde huvixave ikuai va'e toĩmba guenapy'ã re.
12 Mba'eta ha'e ma oepy 'rã iporiaukue'i ojapukai ramo,
13 Omboaxy 'rã ikangy'i ha'e ojexavai va'e,
14 Ojogua 'rã omoingo axy rei pyre ha'e ojuka pyrã rekove.
15 Toikove puku,
16 Ijyvy re toiko porã mba'emo aju,
17 Hery re ta'ima'endu'aa riae raka'e rã peve,
18 Ima'endu'a porãmby toiko Senhor Nhanderuete, Israel kuery Ruete,
19 Ta'ima'endu'a porãa riae hery re, iporã ete ramo.
20 Opa ma Jessé ra'y Davi onhembo'ea.