1 Senhor, ndere ae xee anhemi va'e.
2 Xereraa jepe rejoguereko porãa rupi vy, xejogua ju.
3 Ndee ma xe'itaova anhemiaty.
4 Xeruete, xereraa jepe ke heko vai va'e po gui,
5 Mba'eta Senhor Xeruete, ndee ma roarõ aikovy va'e,
6 Ndere ae ajeko va'e xetui'i guive.
7 Heta pe nhomondyipaa aiko,
8 Ndevy anho 'rã aporaei,
9 Xetuja'i ma teĩ xereja eme xee ae'i.
10 Mba'eta xerovaigua kuery ma ijayvu okuapy xere.
11 Ha'e vy aipoe'i: “Nhanderuete ndoepyvei ma 'rã.
12 Xeruete, ejepe'a eme xea gui.
13 Ha'e rã xerekovea rovaigua kuery ma toxĩmba ha'e tokanhymba.
14 Ha'e rã xee ma ndee ae roarõ ára nhavõ,
15 Xejuru py amombe'u 'rã rejoguereko porãa,
16 Anhenhandu Senhor Xeruete mbaraetea rupi.
17 Xeruete, ndee ma xekunumi guive xerekombo'e reikovy.
18 Ha'e nunga rupi Xeruete, xereja eme,
19 Xeruete, ndereko porãa ma yva peve 'rã oo.
20 Opa marãgua teko vai ha'e jexavaia rupi xemboaxa rire teĩ
21 Xemoingo porã jevy ke,
22 Xee voi mbaraka py rogueroporaei 'rã.
23 Roguerovy'aa rupi xejuru py aroporaei 'rã,
24 Xeapekũ py ára nhavõ aroma'endu'a 'rã rejoguereko porãa,