1 Oreruete, mba'e re tu orereja raka'e rã peve?
2 Nema'endu'a ke ndevygua orekuai va'e re,
3 Eju ke ndevygua oo ivaipa are ma va'e py,
4 Mba'eta ronhemboatyague py nderovaigua kuery hevovo rei okuapy,
5 Ha'e kuery ma ka'aguy re haxa oiporu va'e rami avi ombovaipa.
6 Ha'e gui aỹ yvyrape ombojegua pyre ha'e javi
7 Ndevygua henda iky'a e'ỹ va'e re omboja tata,
8 Ha'e kuery opy'a py “Aỹ ma nhamomba vyvoi”, he'i okuapy.
9 Ha'e rami rire ndoroexavei ma orevy guarã oikuaa uka pyre.
10 Oreruete, raka'e peve 'rã tu nderovaigua kuery orere opu'ã rei?
11 Mba'e re tu ndereupivei ri ndepo reiporu kuaa regua,
12 Ha'e gui Xeruete Xeruvixave ma yvy itui ypy'i guive oiko.
13 Ndee ma ndepo'akaa rupi remboja'o raka'e ye'ẽ.
14 jakare akã rembovopa,
15 Ndee reipe'a va'ekue yvurã ha'e yakã ikuai va'erã,
16 Ára ha'e pytũ voi ndevygua.
17 Remoĩ avi yvy apy peve guarã.
18 Eikuaa pota ke pova'e nunga re:
19 Emboaxa eme nerymba pyku'i kuery ho'u va'erã pe,
20 Nema'endu'a ke ndereve guarã rejapo va'ekue re,
21 Ojexavai va'e toxĩmba rei eme.
22 Xeruete, epu'ã ke, eikuaa uka porã ndereko.
23 Nderexarai eme nderovaigua kuery ojapukai rei okuapya re,