1 Senhor, ndepoxya rupi e'ỹ ke xemongeta,
2 Mba'eta xere nderu'y onhexyvõ ae,
3 Ndepoxy ramo xero'o naexaĩvei,
4 Mba'eta xeakã áry peve ajejavyague oo,
5 Xeai ivaipa rei, ipeupa ma ovy,
6 Ojero'a rei va'e rami anhenhandu naxembaraetevei vy.
7 Xekupe oiko'õ rei,
8 Ajexavai aikovy, naxembaraetevei ma.
9 Senhor, xee aipota va'e ha'e javi ndevy pe meme amboaxa,
10 Xekuraxõ ma otyty atã xembaraetea opa ramo,
11 Xereve xeirũ kuery ikuai va'ekue ojepe'apa ma xemba'eaxya gui,
12 Xerekove oipe'axe va'e onhembopy'a okuapy xejopy aguã,
13 Ha'e rami teĩ xee ma ijapyxa e'ỹ va'e rami aendu rive,
14 Oendu e'ỹ va'e rami ajeapo,
15 Mba'eta Senhor, ndee ae roarõ.
16 Mba'eta aipoa'e jepi: “Ha'e kuery tovy'a rei eme xere,
17 Mba'eta xee ha'a aguã rami aiko,
18 Ha'e rami vy amombe'u xereko vaia.
19 Ha'e rã xerovaigua kuery ma hexaĩ ha'e imbaraete.
20 Ha'e rami ae ikuai ojapo porã va'ekue pe ojapo vai va'e.
21 Senhor, xepytyvõ e'ỹ eme.
22 Senhor, xereraa jepea,