1 Nda'evei ko'ẽ rã guarã rerovy'a ma voi aguã,
2 Tove amboae kuery tandererovy'a, ndee ae e'ỹ.
3 Ita ma ipoyi va'e, ita ku'i voi voyi avi,
4 Ivai ja rei va'e nhomoingo axy 'rã, ojerovia rei va'e voi nhombojexavai 'rã,
5 Jajoayvua ndajaexa ukai 'rãgue py
6 Nhanderayvu va'e nhandevy ijayvu ete teĩ ojapo porã 'rã,
7 Hevyatã va'e ma ei retãgue omombo rive 'rã,
8 Ngoo gui mombyry rupi ava oguata rei oikovy va'e ma
9 Nhaneirũ nhanemongeta porã ramo jajou porã 'rã,
10 Nderexarai rei eme neirũ gui, neĩ nderu irũ gui,
11 Xera'y, ne'arandu ke. Ha'e ramo 'rãe avy'a xepy'a py,
12 Hi'arandu va'e ma mba'emo vai ou rã oexa vy onhemi 'rã,
13 Orevea rekovia opaga aguã rami opyta va'ekue gui ijao oipe'aa 'rã,
14 Aje'ive'i reve ngoo katy'igua pe oxarura atã va'e ma
15 Oky vaipa oiny jave otyky tema va'e ma
16 ha'e va'e nanhamokyrirĩ kuaai 'rã yvytu nanhamombytu'u kuaaia rami,
17 Ferro guigua ma ferro py ae nhaĩmbe'e,
18 Figo rembypy re opena porã va'e pe ha'eve 'rã hi'a gui ho'u aguã,
19 Yy py nhanderova 'ã ojekuaa 'rã,
20 Manoa ha'e yvykua vaikue py oĩve tema 'rã,
21 Prata nhamboyku-a py, ha'e ouro tata rupa py jaiky'a'oa rami avi,
22 Mba'emo ra'yĩ nhamongu'ia rami avi
23 Eikuaa pota porã ke nerymba vexa'i ikuaia re,
24 mba'eta mba'emo jareko va'e noĩ riaei 'rã,
25 Yvyty ikuai va'e gui jai rogue reru aguã rejaya rire
26 ha'e rire rereko 'rã vexa'i rague ndeaorã,
27 Kavara kunha gui ndoatai 'rã kamby rey'u aguã,