1 Hi'arandu e'ỹ va'e nda'eve ranhei nhamboete aguã,
2 Mba'e py e'ỹ joe ijayvu vaia oaxapa rive 'rã,
3 Vakapi ma kavaju peguarã,
4 Hi'arandu e'ỹ va'e embovai eme 'arandu e'ỹa rupi ijayvuague rami,
5 Hi'arandu e'ỹ va'e 'arandu e'ỹa rupi ijayvu rã rembovai 'rãe,
6 Hi'arandu e'ỹ va'e pe ri ayvu nhamombe'u uka vy jajexavai 'rã
7 Hetyma rovaikue va'e oguata aguã nda'eveia rami avi
8 Hi'arandu e'ỹ va'e nda'eve ranhei nhamboete aguã,
9 Oka'u va'e opo py juu rakãgue oguereko aguã nda'eveia rami avi
10 Hi'arandu e'ỹ va'e ha'e otekoavy rei va'e kuery omba'eapo aguã ojou va'e ma
11 Hi'arandu e'ỹ va'e ijarakuaa e'ỹague rami ae ikuai va'e ma
12 Rexa ma pa peteĩ ava ha'e ae oikuaa rami rive onhemo'arandu va'e?
13 Inhate'ỹ va'e ma aipoe'i:
14 Inhate'ỹ va'e ngupa py itui va'e ma
15 Inhate'ỹ va'e hy'a py opo'ẽ teĩ
16 Inhate'ỹ va'e ha'e ae oikuaa rami rive
17 Jagua oaxa ovy va'e nambi re omoatã va'e ma
18 Inhakã porã e'ỹ va'e jojukaxe vy
19 ha'e rami ae ava oirũ ombotavypa rire teĩ
20 Yxakã e'ỹ ramo tata ogue 'rã,
21 Tapyĩgue ma tapyĩrã, ha'e yxakã ma tatarã oĩa rami avi
22 Ijayvu vaikue rei va'e ijayvua ma
23 Porayvua rupi merami ijayvu va'eri ipy'a re mba'emo vai anho oĩ va'e ma
24 Porayvu vy e'ỹ ijayvu porã'i merami va'e ma
25 Ndereve ha'e va'e ijayvu porã'i teĩ erovia eme,
26 Ha'e va'e onhenhomi 'rã ndajoayvui reia jaikuaa e'ỹ aguã,
27 Yvy jo'oare ho'a 'rã ha'ekue py ae,
28 Apu rupi rive ijayvu va'e ombojexavai 'rã hendua kuery,