1 Ha'e ramo Jó ombovai:
2 — Ai! Xeayvua re anhetẽ oikuaa potaa va'e rire,
3 ha'e va'e ma anhetẽ ita ku'i ye'ẽ rembe rupi ikuai va'e gui ipoyive 'rãgue.
4 Mba'eta Ipo'akapave va'e ma guembiporu hu'y py xenhyvõmba,
5 Mburika'i yvy'ãa rupigua nda'u nhuũ re okaru reve onhe'ẽ 'rã teve?
6 Juky e'ỹ re teve ja'u 'rã he'ẽ e'ỹ va'e?
7 Xenhe'ẽ py nda'uxei va'ekue
8 — Nhanderuete ajerurea ojapo va'e rire,
9 Nhanderuete pe ha'eve va'e rire xemokanhy voi aguã,
10 Ha'e nunga oiko ma va'e rire xepy'a guaxu 'rãgue,
11 — Mba'e tu arõve ta, xembaraete vy e'ỹ?
12 Xembaraetea nda'u ita rami hatã va'e?
13 Any! Naendui ae xepytyvõarã.
14 — Ojexavai va'e pe irũ kuery omboaxya'i oexa uka va'e rire,
15 Ha'e rã xeryvy kuery ma anhetẽ rupi e'ỹ xerereko.
16 yro'y ogueroxyry reve,
17 ha'e rami teĩ haku jave oxyry atã va'ekue typa rive va'e rami,
18 Ha'e ramo oguata va'e kuery yy rekaa rupi ojepekuavo 'rã jogueravy tape oo aguã va'ekue gui,
19 Temá yvy gui oguata va'e kuery oeka teĩ yy oxyry atã va'e,
20 Yy oĩ aguã re ojerovia va'ekue oxĩmba 'rã okuapy.
21 Ha'e rami ae peẽ kuery voi xevy pe mba'everã ovare e'ỹ va'e pendekuai.
22 Xee nda'u aipoa'e: “Peme'ẽ ke mba'emo xevy”, ha'e teve?
23 “Xereraa jepe ke xemoingo axya po'akaa gui”,
24 — Xerekombo'e na, ha'e rã xee akyrirĩ 'rã.
25 Anhetẽ ayvu ha'evea ramigua ma oenduxe vai pyrã meme!
26 Peẽ kuery xemongetaxe ri ty'y xeayvua re,
27 Tyre'ỹ kuery re teve pexa 'rã xortea,
28 Ha'e gui aỹ peẽ kuery xemboaxy'i ri vy pema'ẽ porã xere,
29 Peikuaa pota ju ke, ajerure pẽvy, ha'eve'ỹa rami xekuaa e'ỹ aguã.
30 Xeayvua py teve ha'eve'ỹa ramigua pendu?