1 — Yvy re avakue ojexavai aguã rami e'ỹ teve ikuai?
2 Escravo kuaray'ã oeka teĩ va'e rami,
3 xevy pe ha'e rami ae avi ome'ẽa mba'erã e'ỹ aiko aguã jaxy nhavõ re,
4 Anheno vy aipoa'e: “Mbovy hora nda'u ha'eve 'rã avy ju aguã?”
5 Xero'o re oĩ taxo ha'e pekue vaikue.
6 Xe'ára ma mba'emo mbovyvya gui ipojavave,
7 Nema'endu'a ke xerekovea yvytu rami rive oaxapa vyvoia re.
8 Aỹ xerexa okuapy va'e ma ndaxerexavei ma 'rã.
9 Arai ivaipa reve oaxa va'e rami avi
10 Ha'e kuery ndojevyvei 'rã ngoo katy,
11 — Ha'e nunga rupi ae xee ndajokoi xejuru.
12 Xee nda'u ye'ẽ, e'ỹ vy vixo ye'ẽ rupigua teve,
13 Xee aipoa'e: “Xerupa py aĩa py avy'a 'rã,
14 Ha'e rami teĩ ndee xemondyi 'rã mba'emo aexa ra'u va'e gui,
15 Ha'e nunga rupi xenhe'ẽ pe ha'eveve 'rãgue xejyryvipya va'e rire.
16 Xevy pe ha'eve ma aikovea.
17 Mba'e nunga tu avakue ikuai rejou porã aguã,
18 Mba'eta ára nhavõ reju reikuaa pota aguã,
19 Raka'e peve tu ndereipe'ai 'rã nderexa xegui?
20 Xapy'a rei ajejavy vy mba'e nunga ha'eve'ỹ va'e tu ajapo ndevy,
21 Mba'e re tu neremboguei xereko vaia,