1 Ha'e ramo Temã pygua Elifaz ombovai. Ha'e vy aipoe'i Jó pe:
2 — Xapy'a rei amongue ndevy ijayvu ramo nerendui 'rã ri ty'y?
3 Ma'ẽ, ndee ma mbovy e'ỹ rei rekombo'e va'ekue,
4 Ndeayvua py reipytyvõ va'ekue onhepyxanga va'e kuery,
5 Ha'e rã aỹ ma ndere ju ha'e nunga ou ramo ndee nerenduxei 'rã.
6 Nhanderuete renonde rejererokyjea rupi ve'ỹ ri ty'y rejerovia,
7 — Nema'endu'a pota ke: Ojejavy e'ỹ va'e pa okanhy 'rã?
8 Xee aexaa rami, mba'emo vai nhotỹare kuery ma
9 Nhanderuete ipytuẽ ramo rive ha'e kuery ikuai axy 'rã.
10 Ha'e ramo guary kuery voi inharõ teĩ okyrirĩ 'rã okororõa gui,
11 Ha'e rami vy guary kuery ikangy 'rã oje'oivy mba'eve ndojukavei vy.
12 — Peteĩ ayvu aendu xee ae'ia py omombe'ua rã.
13 Pyávy, ajexa ra'ua re aikuaa pota ete reve,
14 ou karamboae xemondyi ha'e xemboryryipaarã.
15 Ha'e ramo peteĩ nhe'ẽ oaxa xerenonde rupi.
16 Ha'e va'e opyta ho'amy va'eri ndaexa kuaai hova.
17 “Imarã va'e kuery nda'u heko porã 'rã Nhanderuete renonde?
18 Ma'ẽ, Nhanderuete ma guembiguai kuery re ndojeroviai 'rã.
19 Ha'e rã yapo guigua py hoo va'e re katuve ma.
20 Aje'ive ha'e kuery itui'i 'rã, ha'e gui ka'arukue ju omombaa 'rã.
21 Ha'e kuery rekove oipe'aa ramo