1 Ha'e va'e rire Jó ae ijayvu. Ha'e vy ijayvu vai otui'iague ára re.
2 Ha'e vy aipoe'i:
3 — Xetui'iague ára ndoikoi ma voi va'e rire,
4 Ha'e va'e ára pytũmba va'e rire,
5 Pytũ reia ha'e kuaray'ã manoa anho oĩ va'e rire,
6 Ha'e va'e pyávy re ma pytũ ete va'e omo'ã va'e rire.
7 Ha'e va'e pytũ imemby e'ỹa va'e rire,
8 Ijayvu vai kuaa va'e kuery ma ha'e va'e ára re ijayvu vai ma va'e rire,
9 Tá, ha'e va'e pytũ jaxy-tata ko'ẽ mbijarã ndojekuaai va'e rire,
10 Mba'eta ha'e jave py nombotyi raka'e ha'i ryepy rokẽ,
11 — Mba'e re tu xee namanoi raka'e xeryru'i pyve?
12 Mba'e re tu oiko raka'e o'u áry xekuavãarã?
13 Mba'eta ha'e va'e ndoikoi va'e rire aỹ apytu'u porã rei 'rãgue.
14 huvixave ha'e nhomongeta va'ety yvy re ikuai va'ekue
15 ha'e rami e'ỹ vy yvatekueve ouro ha'e prata oguereko va'ekue py
16 ha'e rami e'ỹ vy hyru'i py oĩ va'e ojuka nhemi va'e rami xee ndaikoi ma voi va'e rire,
17 Ha'e py ma ha'eve'ỹa rami ikuai va'ekue nanhomoangekovei ma 'rã.
18 Ha'e py ma escravo-rã ogueraa pyre ikane'õgua 'rã okuapy,
19 Ha'e py yvyĩgueve ha'e yvatekueve ikuai va'ekue itui pavẽ 'rã,
20 — Mba'erã tu iporiaukue ojapoa ri hendy va'e oexa riae aguã rami?
21 Ha'e kuery ma omano aguã anho oarõ okuapy, ha'e rã novaẽi.
22 Ha'e kuery ma onhono porãa rã ovy'a 'rã okuapy,
23 Mba'erã tu avakue pe oexa ukaa 'rã hexakã va'e haperã oikuaa uka e'ỹ re?
24 Mba'e re tu xee ha'u va'erã 'rãgue py ajou xepytuẽ atã aguã,
25 Mba'eta akyjea ou ma xe'áry,
26 Ndapytu'uvei, naĩ rivevei, neĩ naxekane'õgua kuaavei,