1 Eliú ijayvuve tema. Ha'e vy aipoe'i:
2 — Ejapyxakave'i ranhe, ha'e rã amombe'u porãve 'rã ndevy
3 Mombyry gui 'rã aru xe'arandurã
4 Mba'eta anhetẽ, xeayvu ma rive'ỹ.
5 — Ne'exa, Nhanderuete ma tuvixa ete va'e.
6 Ndogueraa jepei 'rã heko vai va'e rekove,
7 Ndopytu'ui 'rã heko porã va'e kuery re oma'ẽa gui.
8 Xapy'a rei ha'e kuery corrente py ombo'aague py 'rã ikuai,
9 Ha'e rami ha'e ojapo 'rã ha'e kuery ha'eve'ỹa rami ojapoague oikuaa aguã,
10 Ha'e kuery apyxa oipe'a 'rã ombo'e aguã.
11 Xapy'a rei ha'e kuery onhe'ẽ rendu ha'e ixupe ju ikuai ramo
12 Ha'e rã ha'e kuery noendu potai ri ramo
13 Opy'a py heko vaia anho omoĩ va'e ma ojeupe guarã omboaty 'rã poxya.
14 Ha'e rami vy kunumi teri reve teĩ omokanhy 'rã guekove.
15 Ha'e rã ojexavai va'e kuery ma ha'e ogueraa jepe 'rã ojexavaia py ae oeko mbo'e vy,
16 — Ha'e rami ae ndee voi reiko axya gui Nhanderuete ndepe'axe avi
17 Ha'e rã ndee ma renhemonyẽ heko vai va'e kuery reve repaga aguã.
18 Enheangu ke ha'vy ipoxya rendua py rejojai rei e'ỹ aguã,
19 Rejae'o rei ha'e opa mba'e py renhea'ã ramo rive nda'u
20 Earõ eme eikovy pytũ pyguarã,
21 Enheangu ke teko vai re reo e'ỹ aguã,
22 Ma'ẽ, Nhanderuete opo'akaa py yvate ete va'e ojekuaa!
23 Mava'e tu omboeko mbo'e ta,
24 — Nema'endu'a porã Nhanderuete rembiapo
25 Ha'e nunga re avakue ha'e javi oma'ẽ vy
26 Ma'ẽ, Nhanderuete ma yvate ete va'e, jaikuaa aguã rami e'ỹ.
27 Mba'eta ojea katy ogueru 'rã yy tykyrã,
28 Ha'e rami vy arai gui onhoẽ 'rã
29 Amongue nda'u oikuaa 'rã ri marã rami pa arai oipyo heravya,
30 Ma'ẽ, ha'e va'e áry rupi oexa uka 'rã imondovy nhemboxi,
31 Ha'e nunga py oguereko 'rã yvy regua ikuai va'e,
32 Opo py overa va'e ojopy reta vy
33 Ára vai revovo voi oikuaa uka 'rã heko,