1 Eliú aipoe'ive ju:
2 — Ha'evea rami teve aipo're:
3 Mba'eta aipo're: “Mba'e nunga py tu xereko porãa ovare?
4 Ha'e ramo xee rombovai 'rã,
5 Ema'ẽ yva re ha'e exa.
6 Rejejavya py mba'e nunga py tu hexe rejapo vai?
7 Ha'e rami e'ỹ vy ndereko porãa py mba'e tu reme'ẽ ixupe?
8 Ha'e rami 'rãgue py ndereko vaia ma avakue ndee ramigua pe ae 'rã ojapo vai.
9 — Ha'e gui avakue omoingo axya vaipa rã haxẽ 'rã,
10 Ha'e rami teĩ avave rei aipo nde'i 'rã: “Mamo tu oĩ Nhanderuete xemoingoare,
11 Ha'e ma yvy rupi vixo ikuai va'e gui nhanderekombo'eve va'e,
12 Ha'e kuery ojapukai teĩ ha'e nombovai,
13 Ojapukai rive ramo Nhanderuete noendui 'rã,
14 Jó, ndee ma Nhanderuete nderexaia rami ndeayvu,
15 Aỹ peve Nhanderuete opoxya rupi nanhombopagai,
16 ndejuru reipe'a vy ayvu ovare'ỹ va'e rupi ndeayvu.