1 Jó ijayvuve tema. Ha'e vy aipoe'i:
2 — Ai! Kueve'igua jaxy re aikoague rami ju aiko va'e rire,
3 Ha'e jave ma xeakã áry rupi omoexakã va'ekue,
4 Ha'e jave ma xerexaĩ aikovy va'ekue,
5 Ha'e jave ma Ipo'akapa va'e oiko teri xereve,
6 Kamby py xepy ajoi ainy va'ekue,
7 — Tetã kora rokẽ katy aa,
8 kunumigue xerexa vy ojepe'apa,
9 Yvatekueve voi ijayvu ta vy ojuru ojoko okuapy va'ekue,
10 Omboetevepy kuery ayvu nonhenduvei va'ekue,
11 Xeayvua rendua kuery ma “Ovy'a va'e” he'i okuapy xevy,
12 Mba'eta xee ma iporiaukue'i ojapukai rã aepy va'ekue,
13 Omano ta va'e voi xereroayvu porã va'ekue,
14 Xejee amoĩ va'ekue teko porã,
15 Xee ajeapo va'ekue ára revegua e'ỹ rexarã rami,
16 Iporiaukue'i pe ma tuu aiko va'ekue,
17 Ha'e rã porayvu e'ỹ va'e kuery raĩ'y kã ma xee amopẽmba va'ekue,
18 Xee aipoa'e va'ekue: “Xero py ae 'rã amano,
19 Xee aiko 'rã yy peve yvyra rapo ovy va'e rami,
20 Xemboeteave tema 'rã,
21 — Xeayvu rã ojapyxaka va'e kuery oarõ okuapy va'ekue amongeta aguã,
22 Xee xeayvupa ma rã naxembovai kuaai va'ekue.
23 Ha'e kuery xerarõ va'ekue oky re rami,
24 Ha'e kuery nda'ipy'a guaxui jave ha'e kuery pe xerory va'ekue.
25 Ha'e kuery raperã xee aiporavo va'ekue huvixa rami aguapy ainy reve,