1 — Anhetẽ, prata re yvy jo'oa ikuai,
2 Ferro guive oguenoẽa 'rã yvy gui,
3 Avakue omoexakã 'rã pytũ anaa rupi,
4 Ojo'o 'rã yvy oike aguã avakue ikuaia gui mombyry,
5 Yvy gui ma oiko 'rã tembi'u,
6 Ha'e pygua ita re oĩ 'rã safira,
7 — Ha'e va'e tape ma guyra jo'ua kuery ndoikuaai,
8 Vixo inharõ ha'e tuvixa va'e nopyrõi 'rã ha'e rupi,
9 — Avakue opo py tembiporu oguereko va'e py ombota-mbota 'rã ita re,
10 Ombokua 'rã ita rupi
11 Omboty 'rã yy rape ikuai va'e peteĩve henda py otyky e'ỹ aguã rami,
12 — Ha'e rã 'arandua ma mamo tu oĩ?
13 Ha'e va'e repy ma avave ndoikuaai,
14 Yvykua vaikue aipoe'i: “Xere ma ha'e nunga noĩ”,
15 Ouro oiky'a'o pyre re teĩ nda'evei jajogua aguã,
16 Mba'eta ouro Ofir gui ogueru pyre ha'e javi gui ovareve va'e,
17 Ouro teĩ ma 'arandu rami e'ỹ iporã va'e, neĩ itaendy ma voi.
18 'Arandu oĩa py ma ita coral ha'e itaendy ikuai va'e re nhanderexaraipa 'rã.
19 Etiópia gui topázio herua teĩ ha'e va'e ma 'arandu rami e'ỹ ovare,
20 — Ha'e nunga rupi magui tu ou 'arandu?
21 Mba'eta temimoingo ikuai va'e oexaa gui onhomia,
22 Yvykua vaikue ha'e manoa aipoe'i:
23 Nhanderuete anho oikuaa 'arandua katy tape oo va'e,
24 Mba'eta ha'e ma yvy apy rupi peve oexa pota,
25 Yvytu poyia ha'evea'i rami Nhanderuete oeja
26 oky nhavõ guarã oeja,
27 ha'e va'e jave py ae 'arandu oexa avi vy oikuaa uka raka'e.
28 Ha'e vy aipoe'i avakue pe: “Pendu ke: