1 Jó ijayvuve tema. Ha'e vy aipoe'i:
2 — Anhetẽ ete Nhanderuete Ipo'akapa va'e xevy guarã va'ekue pe'aa
3 xee aikove teria ja,
4 xejuru nda'ijayvui 'rã ha'eve'ỹa rami,
5 Nda'evei ete “Ha'evea rami pendeayvu”, ha'e aguã!
6 Aĩ atã 'rã xereko porãa re, ndajepe'ai 'rãe.
7 — Xerovaigua kuery topa heko vai va'e rami,
8 Mba'eta ojerovia e'ỹ va'e kuery ma mba'e tu oĩ oarõ aguã,
9 Ha'e kuery áry teko axy ou ramo
10 Heko vai va'e nda'u oguerovy'a 'rã Ipo'akapa va'e?
11 — Xee rombo'e 'rã Nhanderuete po'akaa re,
12 Mba'eta peẽ kuery ha'e javi pexa ae ma ha'e nunga.
13 Ma'ẽ, po ramigua anho heko vai va'e ojopy 'rã Nhanderuete po gui,
14 Ha'e kuery ra'y kuery hetave oje'oivy teĩ kyxe pyguarã meme ikuai,
15 Ha'e kuery va'e regua hembyre va'ekue ma mba'eaxy omomba 'rã,
16 Heko vai va'e ma yvyku'i rami 'rã omboaty prata,
17 Ha'e nunga omoĩ porã teĩ heko porã va'e kuery ju 'rã onhemonde,
18 Heko vai va'e ngoorã ojapo va'e ma tanambi raity rami,
19 Iporiau e'ỹ va'e ma mba'emo oguerekopa va'e mbyte py onheno teĩ
20 Ha'e kuery re imongyjearã ou vy ipo'aka 'rã yy oxyry atã va'e rami,
21 Kuaray oua katy gui yvytu ou va'e ogueraa ramo okanhymba 'rã.
22 Nhanderuete po gui ojava vyvoixe teĩ
23 Heko vai va'e ho'a rã ojepopetepaa 'rã,