1 Ha'e ramo Jó ombovai:
2 — Ikangy va'e pytyvõa merami rive reiko,
3 Hi'arandu e'ỹ va'e remongeta kuaa merami rive,
4 Mava'e nembo'ea rupi tu ndeayvu ha'e rami ete?
5 — Ha'e gui omano va'ekue nhe'ẽ ma oryryipa 'rã okuapy
6 Nhanderuete gui manoa pygua kuery nonhemi kuaai,
7 Mba'eve oĩ e'ỹa áry ha'e oipyo kuaray apu'a'ia katygua,
8 Arai ana ikuai va'e mbyte ojoko 'rã yy,
9 Ojao'i 'rã guenda opena oinyaty,
10 Omoĩ raka'e yy apyrã,
11 Ijayvu atã ramo yva yta
12 Ombaraetea rupi omboja'o raka'e ye'ẽ,
13 Opejua py rive omoexakã 'rã yva,
14 Ma'ẽ, ha'e ramigua ma hembiapo ypy rive!