1 — Ma'ẽ, ha'e nunga ha'e javi xerexa oexa ma,
2 Peẽ kuery peikuaa rami ae avi xee voi aikuaa.
3 Ha'e rami avi Ipo'akapa va'e pe anho 'rã anhemombe'u,
4 Mba'eta peẽ ma anhetẽgua 'rãgue py apu rive pemoĩ.
5 Peẽ pekyrirĩmba vyvoi va'e rire!
6 Aỹ ma pejapyxaka xereko amombe'u rã,
7 Penhombotavya rupi nda'u pendeayvu ta Nhanderuete pemboete ukaxe vy?
8 Ixupe vy ae nda'u peikuaa potaa py peteĩ peayvuve ta joegui?
9 Peẽ kuery re ha'e oikuaa pota va'e rire nda'u peo jepe 'rãgue?
10 Joegui peteĩ peayvuve nhemi ramo
11 Napenemongyjei 'rã teve guexakãmbaa py?
12 Pendeayvu jepiaty ma ayvu tanhimbu ramigua rive,
13 — Pekyrirĩ ranhe ke xerenonde, xee ju xeayvu aguã.
14 Xeayvu ta xeraĩ py xero'o areko reve,
15 Mba'eta anhetẽ ri ha'e ma xejuka ta ramo ndarekovei arõ aguã.
16 Ha'e rami aiko vy aikuaa aa jepe aguã,
17 Pendu pota ke xeayvua re,
18 Areko katu porãmba ma xereko amombe'u aguã.
19 Mava'e tu xereve ijayvu ete 'rã?
20 Eme'ẽ xevy po rami mokoĩ ete'i ajerurea.
21 Eipe'a ke ndepo xegui,
22 Ha'e gui eporandu xevy, ha'e rã xee rombovai 'rã.
23 — Mbovy henda py tu xereko vai ha'e ajejavy?
24 Mba'e re tu nderova remo'ã
25 Remongyje ta teve yvyra rogue yvytu ogueroveve heravy va'e rive?
26 Mba'eta xerovai rembopara mba'emo ipoyi va'e,
27 Ha'e rami vy xepy remboty yvyra pa'ũ py,
28 mba'emo ru'ũgue opa ovy va'e,