1 — Kunhague gui itui'i va'ekue ma xapy'a'i 'rã ikuai,
2 Itui'i 'rã yvoty ixorĩ va'erã rami rive.
3 Ha'e ramigua avakue re ri ty'y reikuaa pota ta,
4 Mava'e nda'u ha'eve'ỹa gui oguenoẽ kuaa ta mba'emo ha'eve va'e?
5 Ha'e kuery ikuai aguã ára reipapa ma voi imoiny,
6 Ha'e kuery re ema'ẽve eme ikane'õgua'i aguã,
7 — Mba'eta yvyra voi oguereko oarõ aguã,
8 Yvy re hapo inhyma ramo,
9 yy reakuã gui rive ju 'rã henhoĩ.
10 Ha'e rã avakue ma omano ma vy itui tema 'rã.
11 Yupa py yy oĩ va'ekue typa,
12 ha'e rami ae avi avakue onheno vy nopu'ãvei ma 'rã.
13 Xenhono porãa ma ramo ndee xemo'ã 'rãgue,
14 Avakue omano ma rire nda'u ovy ju 'rã ri?
15 Ndee xerenoĩ 'rã, ha'e rã xee ma rombovai 'rã.
16 Ha'e rami vy reipapapa 'rã aguataa,
17 Xereko vaiague re nderexarai 'rã voxa py omboyru pyre re rami,
18 Ha'e rami avi yvyty iku'ipa ha'e ivaipa 'rã ovy,
19 yy omomba 'rã ita,
20 Ha'e kuery re ndepo'aka riae ramo
21 Ta'y kuery omboetea teĩ tuu kuery ndoikuaai 'rã.
22 Ha'e kuery ma guete re anho 'rã oendu haxy va'e,