1 Taovia, igoe nogo nimami raravi na dani ma na dani.
2 Idavia o aqosigira na vungavunga,
3 Igoe nogo o ketsaligira na tinoni kara visutugua i tana ara talu,
4 I matamu igoe, na toga na uvi ara vaga moa ti e kesa lelê moa na dani;
5 Igoe o adiligigami vaga moa ti na tatarina na obo;
6 mi laona na dani e dato me molo latsena dou,
7 Igoe o labuginigami na koremu loki;
8 Igoe o morosigira sailagi nimami sasi,
9 Ma nimu kore loki nogo igoe, e kutsibuto lea na maurimami igami;
10 E vitu sangavulu lelê moa na ngalitupa igami ami dona na mauri tsaulina,
11 ?Masei bâ e vatsanginogoa na susuligana popono na koremu igoe?
12 Vaga ia, mo ko sasanigami ma kami gini padagadovia laka e kurikuri lê moa na maurimami,
13 ?Ke oka koegua sagata goto ke totu nimu momosatoba vanigami?
14 Pipi tana matsaraka ko dangaliginigami nimu galuve vo oli,
15 Kalina ia ko tusuvanigami na magemage loki
16 Ko tamivanigami igami nimu tinoni aqo kami reilakana nimu aqo loki igoe o naugira;
17 Taovia nimami God, ami nongigo ko vangalaka vanigami.