1 Taovia, inau sauba kau lingena sailagi tana rongona nimu galuve vo oli;
2 Mau donaginigotoa laka nimu galuve sauba ke totu saviliu,
3 Taovia igoe nogo o tsaria, “Inau au naunogoa kesa na vaitasogi kolua na mane inau au vilinogoa;
4 ‘Inau sauba kau molokaea kesa na kukuamu igoe, maia ke adidatoa nimu aqo taovia tsapakae;
5 Igira sui i gotu ara linge mateqira na omea loki sui igoe o aqosigira;
6 Me tagara goto ke kesa i gotu ke atsa kolugo, igoe Taovia;
7 Igira sui ara kukuni tanigo sosongo i laona niqira saikolu;
8 Taovia God Susuliga Sosongo, e tagara goto ke kesa ke tsaulina na susuligamu igoe;
9 Igoe o tagaovi kaputia na susuligana na tasi loki;
10 Igoe o tsogori rapasia Rahab, aia na tuqana vigo na omea loki, mo labumatesia;
11 Na baragata nimu tamani nogo igoe, ma na barangengo goto;
12 Igoe o aqosia na turina i vava ma na turina i ata;
13 !O susuliga tsapakae nomoa igoe!
14 Igoe o palakae mo tagaovigira na tinoni tana gotolaka ma na pedegoto;
15 !Ara mage sosongo igira na tinoni ara linge na tsonikaeamu igoe Taovia,
16 Tana rongomu nogo igoe, ti igira ara gini totu magemage tana dani popono,
17 Igoe nogo na pukuna na susuligamami,
18 Igoe nogo Taovia o vilia vanigami aia kesa ke reitutugugami;
19 I laona kesa na moro i sau nogo igoe o tsarivaganana vanigira nimu tinoni:
20 Au molokaenogoa niqu maneaqo a David aia ke lia na taovia tsapakae
21 Ma na susuligaqu sauba ke totu sailagi i konina,
22 Migira gana gala sauba e utu lelê kara tangomana na tukapusiana;
23 Sauba kau tsogori rapasigira igira ara tau gana tabana kolu aia,
24 Sauba kau galuvea ma kau totu kalavata kolua;
25 Sauba kau pabovania na verana
26 Maia sauba ke tsarivaganana vaniau,
27 Eo, inau sauba kau nauvania maia ke lia vaga na dalequ botsaida,
28 Sauba kau galuve sailaginia,
29 Ma nina puku taovia tsapakae nogo ia, sauba ke tukakai vaga moa na masaoka
30 “Ma ti vaga igira na kukuana ia kara sove tania niqu ketsa
31 ma kara tau goto gini boe na rongomiaqira niqu totokoe,
32 mi tana minau sauba kau kedegira tana rongona niqira sasi ara naua;
33 Me atsa moa ti igira kara nauvaganana ia,
34 Eo, sauba e utu goto kau kutsia na vaitasogi au naukolua,
35 “Niqu veke au naunogoa tana asaqu tabu e utu goto kau olia;
36 Migira na kukuana aia sauba kara vaitugugi datodato,
37 Ma na verana ia sauba ke totukakai sailagi
38 Mi kalina ia, migoe o kore sosongo vania na taovia tsapakae igoe o vilinogoa;
39 Igoe o kutsia nimu tabana na vaitasogi o naukolua nimu maneaqo,
40 Mo toroveogira na barana na verana,
41 Migira sui ara liu i tana ara komigira nina omea levolevo;
42 Igoe o sangagira gana gala mara gini tangomana na tuliusiana aia,
43 Igoe o parusigira sui nina isi vavanga
44 Igoe o adiligi sui vaninogoa na papadana gana tangisoa,
45 O nauvania maia e tuqatuqa tsaku lê kalina aia e tau vati tsau moa gana tagu ke tuqatuqa,
46 ?Taovia, laka sauba ko taopoi saviliu nomoa igoe?
47 !Ko padatugua laka e kurikuri lê na mauriqu;
48 ?Me laka asei tangomana ke mauri saviliu me ke tau mate?
49 ?Taovia, laka iava kalina ia na papadana nimu galuve vo oli igoe o sauvanigami i sau?
50 Laka na padaleana laka inau nimu maneaqo ara gokotsiri vaniau,
51 !Taovia, igira gamu gala ara vaitsirigana na taovia tsapakae igoe o vilinogoa!
52 !Tsonikaea na Taovia na dani ma na dani!