1 Taovia God niqu vagamauri, inau au ngangaidato vanigo tana dani popono,
2 !Ko rongomia niqu nonginongi;
3 Na rota danga sosongo ara puka tsavuau,
4 Inau au vaga saikesa nogo igira sui ara ngari mate;
5 Ara tsonileau nogo i koniqira igira ara mate;
6 Igoe o tsonitsunaau nogo tana qilu i lao vasau,
7 Ma na koremu loki e kobiau,
8 Igoe nogo o tsukivanigira na kulaqu te ara gini tsonileau;
9 ma na mataqu ara pasa lê nogo tana rongona na rota loki e gadoviau.
10 ?Megua laka igoe o dona na nauvalatsatsa vanigira igira ara mate nogo?
11 ?Me laka igira ara totu nogo tana qilu ara dona na gini goko tana rongona nimu galuve vo oli?
12 ?Me laka igira ara totu tana nauna rodorodo vaga ia, kara dona na reiaqira na valatsatsa igoe o naugira?
13 Taovia inau au soago ko sangaau;
14 ?Taovia, rongona gua ti o sove taniau inau?
15 Me tuturiga kalina inau au tinoni vaolu, me gadoviau na rota loki me varangi saikesa nogo kau mate;
16 Nimu momosatoba loki e bingi rapasiau;
17 Tana dani popono igira ara virupoliau vaga moa na obo;
18 Migoe o naua migira goto na kulaqu varavara ara gini vanoligi taniau sui,