1 Aia moa e dona na ba toturavi i konina na Taovia,
2 aia moa e tugua ke tsarivaganana vania,
3 Aia sauba ke ravisigo tanigira pipi sui na vatana na taviti ara totu popoi,
4 Aia sauba ke tsavupoiginigo na rapona,
5 Me utu goto ko matagunia sa omea ke sekoligo tana bongi,
6 se na lobogu seko e dona ke laba tana rodo,
7 Me atsa moa ti ke kesa na toga kara puka ma kara mate i ligisamu,
8 Sauba igoe ko morosiginia na matamu segeni nogo na kede ke gadovigira na tinoni vanga tsutsukibo.
9 Igoe o dona na ba totu raviravi i konina na Taovia,
10 me vaga ia, me utu goto ke kesa na omea seko loki ke gadovigo,
11 Rongona God sauba ke ketsaligira nina angelo kara reitutugugo
12 Me sauba igira kara pailaginigo na limaqira
13 Migoe sauba ko tsogorigira lê na laeone ma na muata,
14 God e tsaria, “Inau sauba kau maurisigira igira ara galuveau,
15 Mi kalina ti igira kara nongiau kau sangagira,
16 Me ngiti peluna vanigira, inau sauba kau mologira ma kara mauri oka;