1 God ko sasania na taovia tsapakae me ke gini dona na pedegoto;
2 rongona aia ke pede gotosiginigira nimu tinoni,
3 Ko naua me ke peluga sosongo na vuana niqira aqo tana vera ia,
4 Ko sangâ na taovia tsapakae me ke isutuguqira igira ara tau tamanina sa omea;
5 Migira nimu tinoni igoe kara samasama vanigo tana tagu popono kalina e sina na aso
6 Ko sangâ me ke dou nina sasaga na taovia tsapakae,
7 Tana maurina aia, ke gini dato varimauri na pedegoto ma na rago
8 Ke tagaovidougira nina tinoni ke tû kesa tabana na tasi me ke tsau bâ kesa tabana,
9 Migira na tinoni ara totu tana kaomate sauba kara tsuporu tsuna i matana aia;
10 Migira na taovia tsapakae ni Spain mi tasi taligu,
11 Eo, igira sui lakalaka na taovia tsapakae sauba kara ba tsuporu i matana;
12 Aia e laumaurisigira na tinoni ara tau tamanina sa omea kalina igira ara ngangaidato vania,
13 E galuvegira igira ara maluku lê mara totu sekona lê;
14 E laumaurisigira tania na limaqira igira ara bingi sekoligira mara rotasigira;
15 !Ke mauri oka na taovia tsapakae!
16 Mi tana nina kao nogo ia kara dato danga sosongo na sila,
17 Kara tsonikaea na asana na taovia tsapakae;
18 !Tsonikaea na Taovia na God ni Israel!
19 !Tsonikaea na asana tabu na dani ma na dani!
20 Iani nogo na susuina nina nonginongi a David na dalena a Jese.