1 God na Taovia Susuliga aia nogo e goko;
2 Na mararana God e talumai tû i Sion,
3 Nida God e maimai, me tau mai muimui lê;
4 Aia e soakaira na gotu ma na lao kara ka mai reia
5 Me tû me tsarivaganana, “Kamu adimaigira i mataqu igira sui niqu tinoni,
6 Na baragata e katevulagia laka God aia e gotolaka,
7 Ma God e tsaria, “Rorongo mai igamu niqu tinoni, minau kau goko vanigamu;
8 Inau au tau gini totokoe vanigamu tana rongona nimui sausau
9 Mau tau goto kilia igira nimui buluka mane
10 Pipi sui na omea tuavati ara totu i laona na legai igira ara niqu tamani sui inau,
11 Migira sui na manu atsi ara niqu tamani goto inau,
12 “Eo, me ti vaga inau kau dona na vitoa, me sauba e utu inau kau nongi mutsa i konimui igamu,
13 ?Egua amu pada ngatsua laka inau au gania na velesina na buluka,
14 Kamu soadouau moa inau nimui God ngiti nimui savori-kodoputsa vaniaqu,
15 Kamu soaau tsaku kalina ti ke laba vanigamu sa omea seko,
16 Me tû God me tsarivanigira igira na vanga tsutsukibo,
17 Migamu amu reisavia moa kalina inau au totosasaga vanigamu,
18 Mamu lia moa na kulaqira pipi sui na tinoni komikomi amu tsodogira,
19 “Na mangamui e tau goto kuti na goko seko.
20 Amu tototu, mamu keli lê vanigira na tasimui segeni,
21 Igamu nogo amu naugira na omea sui vaga girani,
22 “Kamu rorongomai igamu amu peâ na mangaqu inau,
23 Aia e soadouau ngiti savori-kodoputsa, aia nogo e tsonikaeau manana,