1 !Na tidaoqu ke tsonikaea na Taovia!
2 Na tidaoqu ke soalokia na Taovia,
3 Aia e padalegira pipi sui niqu sasi
4 Aia e maurisiau tania na qilu,
5 Aia e dangaliginia na mauriqu na omea dou,
6 Na Taovia e gotolaka i laona pipi nina aqo,
7 Me saulabati vania a Moses na omea aia e pada manogatinogoa ke naua.
8 Na Taovia e doulaka me dona sosongo na galuve,
9 Aia e tau dona ke katelivisu vanigita sailagi moa nida sasi;
10 E tuguragoa aia ke kedegita, maia e tau moa kedegita,
11 E loki sosongo nina galuve na Taovia vanigira ara kukuni tania,
12 Aia e tsoniligigira ao saikesa nida sasi,
13 Me vaga na tamaqira na baka e galuvegira na dalena,
14 Aia e donaginia na omea gua aia e aqosiginigita,
15 Ma na maurida igita e vaga moa ti na buruburu lê.
16 me mai na guguri me gadovia me tavongani dudu lê
17 Ma nina galuve vo oli na Taovia e totu saviliu vanigira igira ara kukuni tania,
18 igira ara manalia niqira tabana na vaitasogi koluana God,
19 Na Taovia e vaturia nina sasana na totukae i gotu i baragata;
20 Kamu tsonikaea na Taovia igamu sui na angelo susuliga,
21 !Kamu tsonikaea na Taovia igamu na omea susuliga sui ni gotu,
22 Kamu tsonikaea na Taovia igamu sui na omea mamauri aia e aqosigamu, mamu totu pipi tana nauna sui i tana aia e tagao.