1 !Taovia ko rongomi vatavia niqu nonginongi,
2 !Kalina inau au totu i laona na rota loki,
3 Na mauriqu e vaga moa na punguna lê na lake;
4 Na kosuqu e mamatsa lê vaga moa na buruburu makede;
5 Au rota mau kukungu loki;
6 Mau vaga moa na manu atsi i laona na kaomate,
7 Au tsaro mamata;
8 Tana dani popono ara tsiriau moa igira gaqu gala;
11 Na mauriqu e kurikuri lê vaga moa na auau tana ngulavi;
12 Migoe moa Taovia o taovia tsapakae na dani ma na dani;
13 Me sauba ko tû mo ko galuvetugua na vera ni Sion;
14 Igira nimu tinoni aqo igoe ara padalokia i Sion,
15 Igira na puku sui sauba kara kukuni tania na Taovia;
16 Mi kalina na Taovia ke logovisutugua na vera ni Sion,
17 Me ke rongomitugua niqira nonginongi nina tinoni,
18 Maretsunâ vanigira na vatavata sauba kara botsamai i muri na omea na Taovia e naugira nogo,
19 Na Taovia e totu tana sasana tabu i gotu,
20 Aia e rongominogoa niqira kukungu igira ara totu tana vale sosori,
21 Maia nogoria na rongona ti kara katevulagia na asana na Taovia i Sion,
22 kalina igira na puku sui kara saikolumai i tana,
23 Aia nogo na Taovia e naua ti e gini maluku sosongo na koniqu kalina au tinoni vaolu moa;
24 Niqu God ko laka mavi na adiligiaqu kalina ia,
25 i sau nogo igoe o vusâ na barangengo,
26 Migira na omea sui, sauba kara nangaligi lê kesa dani,
27 Migoe o totu atsa vaga saviliu moa,
28 Migira na dalemami igami sauba kara totu bibiu dou,