1 “Pipi sui na omea amu tsaria igamu, au rei idanogoa inau.
2 Ma na omea sui amu donaginia, inau goto au donaginia.
3 Inau au tau ngaoa na vaimangabarigi koluamui babâ moa igamu.
4 Igamu amu dona moa na gini bulesi tinoni nimui goko peropero;
5 !Ke dou bâ ti kamu tau tsarigotoa sa omea, mi tana ti kara gini padâ na tinoni laka igamu amu sasaga loki sosongo!
6 “Kamu rorongovata kalina inau kau isutuguqu segeni.
7 ?Megua vaga ti amu totu matengana moa na peropero?
8 ?Egua amu padâ laka kamu sanga tabana konina God
9 ?Me ti vaga God ke vilekea na laomui igamu, me laka sauba ke tsodoa sa omea dou?
10 Me atsa moa ti kamu pada popoia moa i laona tobamui na omea vaga ia,
11 ma kamu vatsangia na susuligana loki ma kamu gini matagu mate.
12 Ma nimui goko tabana amu tsaria ara tau lelê tamani sa rongona,
13 Kamu totu mui dodo moa ma kamu tamivaniau kau goko,
14 “Eo, au tau goto matagu. Au vangarau nogo kau goko vania God,
15 Me atsa moa ti vaga God ke labumatesiau, mi konina aia segeni lelê moa au dona kau vataragi,
16 Me ti vaga inau kau tau matagu na goko vaniana God,
17 Mi kalina ia kamu rongomigira niqu tsaqina goko kau tsaritutugu vanigamu.
18 Inau au vangarau nogo kau isutuguqu segeni,
19 ?Masei tangomana ke goko mataqu me ke katevulagi vaniau laka inau au sasi?
20 “God au nongigo ko tamivaniau me ke ruka moa na omea kau veisuago,
21 Kiki ko mololea na kedeaqu, ma na molomatagu vaniaqu.
22 “Igoe God ko ida talu ko goko, minau sauba kau tuguvisu vanigo.
23 ?Nagua gira niqu sasi? ?Ma na omea seko gua au naugira?
24 “?Me rongona gua ti o poivaniau na matamu,
25 ?Me laka e ulagana ko molo matagu vania na raurau lê e puasalâ na guguri,
26 “Igoe o keli loki sosongo vaniau,
27 Mo soriginia na tuaqu na itai tapala;
28 Igami na tinoni ami dona kami tavusa vaga moa na kubu tolatola,