1 Ma Job e goko baba moa me tsaria,
2 Ami vaga moa na tsitsi e tavuresi tana matsaraka, me tavongani matsele lê tana ngulavi,
3 ?Megua igoe God, ti o vilekea moa nina sasaga kesa e totu sekona lê vaga ia,
4 Me tagara goto sa omea male tangomana ke talumai i konina sa omea e tau male vaga na tinoni.
5 Igoe nogo o titivania na okana na maurina,
6 Me dou ti ko moroligi tania, me ke mango tetelo tana susuina na maurina,
7 “Ma na gai ara kavitsunâ e dona ke kutsu vaolu na vasuna tana tuturina me ke mauritugua.
8 Me atsa moa ti kara tuturiga nogo na tola na lamuna,
9 me ti vaga na kô i tana, maia sauba ke kutsutugua vaga moa ti na gai dato vaolu.
10 Mi kalina e mate na tinoni mi tana nogoria e sui vania.
11 “Vaga moa na kô ara tau nogo vuvura mai,
12 me vaga goto na tinoni ara mate nogo, e utu goto kara mauritugua.
13 “Ke dou sosongo bâ vaniau inau ti vaga igoe ko molopoiau tana barangengo na mate;
14 ?Me ti vaga ke mate na tinoni, me laka tangomana aia ke maurivisutugua?
15 Mi tana tagu nogo ia, ti sauba igoe ko soaau inau, minau kau gokovisu vanigo,
16 Mi tana ti igoe ko matanigira rago pipi sui niqu tsakutua,
17 Sauba ko padalegira vaniau, mo ko tsavupoigira i laona na todo.
18 “Au morosigira na omea sui ara totu i laona na barangengo,
19 Ma na susuligana na kô ke tuatsuna tana vatu loki, me kiki rago kara nanga lê,
20 Igoe o susuliga liusia na tinoni, mo raia ke vanoligi saikesa;
21 Mi muri ti vaga igira na tinoni kara tsonikaegira na dalena, maia e utu goto ke donaginia,
22 Aia e pada saikesalia moa na sosongo e vatsangia tana kokorana,