1 God, no balagu i patpatuan.
2 Ira haap ma ira gita, muat kakel!
3 Watong, iau ni pirlat ugu nalamin ta ira hunhuntunaan ta ira mes na hanuo.
4 kanong a tamat no num harmarsai, i manga naliu tano mawe.
5 God, da raun haut ugu naliu tano mawe,
6 Halon het ma no dadas na kata na limaam, ma nu taram no nugu sinasaring,
7 God i te ianga meram tano uno halhaliana subaan hoken:
8 No hanuo Gileat a nugui, ma no huntunaan Manase a nugu mah ie.
9 Moab aie no nugu tultulai wara gisgis ira kakigu.
10 Sige na lamus halaka tar iau tano pise na hala nong i manga naliu ira uno lar?
11 Kanong warah, God, augu at u te malok se tar het,
12 Tar ta harharahut wara turtur bat ira amehet suk,
13 Dahat na bul hasur ira adahat suk ma no harharahut ta God.